റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ-മെയിൽ: samkhiyarathnam@gmail.com
2023 ഡിസംബർ 29 - 1199 ധനു 13 വെള്ളിയാഴ്ച (പുലർച്ചെ 1 മണി 4 മിനിറ്റ് 8 സെക്കന്റ് വരെ പുണർതം നക്ഷത്രം ശേഷം പൂയം നക്ഷത്രം )
അശ്വതി: ജീവിത പങ്കാളിയോടുള്ള സ്നേഹം പ്രകടിപ്പിക്കാൻ കഴിയില്ല. കടമകള്‍ നിറവേറ്റുന്നതിന് കഠിനമായ പരിശ്രമം വേണ്ടിവരും, കര്‍മ്മ മേഖലയില്‍ അനിശ്ചിതത്വം, സുഹൃത്തുക്കളുമായി അകലാതിരിക്കാന്‍ ശ്രദ്ധിക്കണം. നേട്ടങ്ങൾക്കായി സമീപിക്കുന്നവരെ അവഗണിക്കുക.
ഭരണി: ശാരീരിക ബുദ്ധിമുട്ടുകൾ അനുഭവപ്പെടും. നിര്‍ബന്ധബുദ്ധി കാണിക്കും, കുടുബാഗംങ്ങളുമായി രമ്യതയില്‍ വേണം ഇടപെടാന്‍, യാത്രകൊണ്ട് ഗുണം ലഭിക്കില്ല, മടിയും അലസതയും ഉണ്ടാകും. പണനഷ്ടവും കട ബാദ്ധ്യതയും ഉണ്ടാവാൻ സാദ്ധ്യത.ഔദ്യോഗിക തിരക്കുകൾ മനോനിലയെ ബാധിക്കുകയും ക്ഷിപ്രകോപിയാക്കുകയും ചെയ്യും.
കാര്‍ത്തിക: അനാവശ്യ സംശയവും ചിന്തകളും ബന്ധങ്ങളെ നശിപ്പിക്കാൻ സാദ്ധ്യതയുണ്ട്. ചർമ്മ സംബന്ധമായ ചില പ്രശ്നങ്ങൾ അലട്ടിയേക്കാം.വളരെയധികം ആലോചിച്ചു നോക്കി മാത്രം സംസാരിക്കുകയും പ്രവര്‍ത്തിക്കുകയും ചെയ്യുക, ധനപരമായി ദുരിതം, പലവിധത്തിലുള്ള വിഷമതകൾ.
രോഹിണി: കുടുംബാംഗങ്ങളോട് കർക്കശമായി പെരുമാറുന്നത് ഒഴിവാക്കുക, ഇല്ലെങ്കിൽ ഇത് സമാധാനത്തെ നശിപ്പിക്കും. മത്സര പരീക്ഷകൾക്കായി തയ്യാറെടുക്കുന്നവർക്ക് വലിയ വെല്ലുവിളികൾ നേരിടേണ്ടി വരും.ശത്രുക്കള്‍ കൂടുതല്‍ ശക്തരാകും,ദൂരയാത്രാക്ലേശം, സുഖവും ദു:ഖവും മാറി വരും, ആരോഗ്യം സംരക്ഷിക്കണം.
മകയിരം: ചെലവുകളുടെ വർദ്ധന പദ്ധതികളെ താളംതെറ്റിക്കും.അന്യദേശവാസം ഗുണകരമായിരിക്കില്ല. അമിതമായ ആത്മവിശ്വാസം ദോഷം ചെയ്യും. ഈശ്വരാധീനം കുറഞ്ഞ ദിവസം ആയിരിക്കും സൂക്ഷിക്കുക. ശാരീരിക പ്രശ്നങ്ങൾ ഉടലെടുക്കും.ഉടൻ ചികിത്സ തേടിയില്ലെങ്കിൽ പ്രശ്നം ഗുരുതരമാകാം.
തിരുവാതിര: പങ്കാളിയെ അനാവശ്യമായി കുറ്റപ്പെടുത്തുന്ന സ്വഭാവം മോശം അനുഭവങ്ങൾ കൊണ്ടുവരും. സ്വഹിതത്തിന് വിപരീതമായി കുടുംബാംഗങ്ങള്‍ പെരുമാറും, അത്യാവശ്യ സമയത്ത് പണത്തിന് ബുദ്ധിമുട്ടുണ്ടാകും, എല്ലാ കാര്യങ്ങളും മറ്റുള്ളവരുമായി പങ്കിടുന്ന സ്വഭാവം ഉപേക്ഷിക്കുക.
പുണര്‍തം: വിദ്യാർത്ഥികൾക്ക് സമയം അനുകൂലമായിരിക്കും. കഠിനാധ്വാനം ചെയ്യുന്നവർക്ക് തീർച്ചയായും അതിന്റെ ഫലം ലഭിക്കും.ശത്രുക്കളെ പരാജയപ്പെടുത്തും, ദാമ്പത്യത്തില്‍ സംതൃപ്തിയും സമാധാനവും ഉണ്ടാകും, വിദേശത്ത്നിന്നും നല്ല വാര്‍ത്തകള്‍ കേൾക്കും.
പൂയം: സർക്കാറിൽ നിന്ന് ലഭിക്കാനുള്ള ആനുകൂല്യങ്ങൾ വഴി സാമ്പത്തിക ലാഭമുണ്ടാകും. പങ്കാളിയാൽ നേട്ടങ്ങൾ ഉണ്ടാകും,സഹോദര സ്നേഹം ലഭിക്കും, സാമ്പത്തിക നേട്ടം പ്രതീക്ഷിക്കാം, തൊഴിലിൽ മേന്മ, മിത്രങ്ങളുടെ സഹായം ലഭിക്കും.
ആയില്യം: ഉദ്യോഗവുമായി ബന്ധപ്പെട്ട് അനുകൂല സമയം. തുടക്കത്തിൽ ചില തടസങ്ങൾ എല്ലാ കാര്യങ്ങളിലും ഉണ്ടാകുമെങ്കിലും പിന്നീട് എല്ലാം ഭംഗിയായി നടക്കും. രോഗശാന്തി, പുരസ്കാരങ്ങൾ ലഭിക്കും, ധനാഭിവൃദ്ധിയുടെ സമയം ,ബന്ധുക്കള്‍ അനുകൂലരാകും.
മകം: സഹോദരങ്ങളുടെ പിന്തുണ എല്ലാ മേഖലയിലുമുണ്ടാകുന്നത് പല കാര്യങ്ങൾക്കും ആശ്വാസമാകും,പ്രണയത്തിന് അനുകൂലമായ സാഹചര്യങ്ങള്‍ ഉണ്ടാകും, ഭാര്യാഗുണം, സ്ത്രീകള്‍ മുഖേന സന്തോഷം കിട്ടും, കലാമത്സരങ്ങളില്‍ വിജയം.
പൂരം: ഉദ്യോഗം മെച്ചപ്പെടുത്തുന്നതിനുള്ള ശ്രമങ്ങൾ നടത്താം. ആശയങ്ങൾ മറ്റുള്ളവർക്ക് ബോധ്യമാകും വിധം അവതരിപ്പിക്കാനും അംഗീകാരം നേടാനും കഴിയും. തൊഴിലിലും കലാരംഗത്തും പുതിയ അവസരങ്ങള്‍, യാത്രാഗുണം, പഠന കാര്യങ്ങളില്‍ ജയം.
ഉത്രം: കുടുംബ ജീവിതത്തിൽ സന്തുലിതാവസ്ഥയുണ്ടാകും. മതപരമായ കാര്യങ്ങളില്‍ അമിത താല്‍പര്യം കാണിക്കും,ജീവിതത്തില്‍ പലവിധത്തിലുമുള്ള പുരോഗതി, സ്വന്തം പ്രവര്‍ത്തികള്‍ വിജയത്തിലെത്തും. പുതിയ ജോലിക്കായി ശ്രമിക്കുന്നവർക്ക് അനുകൂല തീരുമാനങ്ങളുണ്ടാകാൻ സാദ്ധ്യതയുണ്ട്.
അത്തം: ദാമ്പത്യത്തില്‍ അന്യോന്യമുള്ള പ്രശ്നങ്ങൾ മാറ്റിവച്ചുകൊണ്ട് നിങ്ങൾക്ക് ഏറെ സമയം ഒരുമിച്ച് ചെലവിടാൻ കഴിയും.ബിസിനസ് ചെയ്യുന്നവർക്ക് വലിയ ലാഭം പ്രതീക്ഷിക്കാം. എതിരാളികളെ പരാജയപെടുത്തും, മറ്റുള്ളവരെ സഹായിക്കാനുള്ള മനസ്സുണ്ടാകും, കിട്ടില്ല എന്ന് കരുതിയ ധനം തിരിക ലഭിക്കും.
ചിത്തിര: സാമ്പത്തിക കാര്യങ്ങൾ നല്ല രീതിയിൽ ഉയരും. വിവാഹ ജീവിതത്തിൽ നല്ല മാറ്റങ്ങളുണ്ടാകാം.തൊഴില്‍ പരമായി ഉയര്‍ച്ച, പ്രതിയോഗികള്‍ പിന്തിരിയും, പുതിയ ബന്ധങ്ങള്‍ ഉണ്ടാകും, നൂതന അറിവുകള്‍ സമ്പാദിക്കും. ഏത് കാര്യങ്ങൾക്കും മാതാപിതാക്കളുടെ അഭിപ്രായം തേടുന്നത് നല്ല ഫലം തരും.
ചോതി: കുടുംബത്തിൽ കലഹത്തിന് സാദ്ധ്യതയുണ്ട്. പ്രണയം സംബന്ധിച്ച് പ്രയാസങ്ങൾ, ജനപ്രീതിയും അംഗീകാരവും കുറയും,ശാരീരികമായി അസ്വസ്ഥതകള്‍, സമയത്ത് ആഹാരം കഴിക്കാന്‍ സാധിക്കാത്ത രീതിയില്‍ പ്രശ്നങ്ങള്‍.
വിശാഖം: പങ്കാളികൾ നിങ്ങളുടെ സമ്മർദ്ദം കൊണ്ടോ അകാരണമായോ കലഹിക്കും. ആരോഗ്യ കാര്യങ്ങളിൽ ഉയർച്ച താഴ്ചകൾ ഉണ്ടാകും.നിര്‍മ്മാണ പ്രവര്‍ത്തികളിൽ തടസങ്ങള്‍, വ്യക്തിജീവിതത്തില്‍ സ്ത്രീകള്‍ കാരണം പ്രശ്നങ്ങൾ, അമിതമായ ശുഭാപ്തി വിശ്വാസം എല്ലാ കാര്യങ്ങളിലും വച്ചു പുലര്‍ത്തരുത്.
അനിഴം: അപകട സാദ്ധ്യത കാണുന്നതിനാൽ വാഹനങ്ങൾ ഓടിക്കുമ്പോൾ ശ്രദ്ധിക്കണം. അമ്മയുടെ ആരോഗ്യ കാര്യങ്ങളിലും ശ്രദ്ധ വേണം. മോശം കൂട്ടുകെട്ടുകളില്‍ നിന്ന് കഴിയുന്നതും അകന്നു നില്‍ക്കുക, ഉദ്യോഗസ്ഥര്‍ക്ക് ജോലിക്കൂടുതല്‍ മൂലം പ്രയാസങ്ങള്‍, വീട് വിട്ട് നില്‍ക്കേണ്ടി വരും .
കേട്ട: വിദ്യാർത്ഥികൾക്ക് ചില തടസങ്ങൾ ഉണ്ടാകും. പിതാവിന്റെ വാക്കുകൾക്ക് ബഹുമാനം നൽകുക.ശത്രുക്കള്‍ വര്‍ദ്ധിക്കും,ദാമ്പത്യ സുഖക്കുറവ്, ജീവിതം വിജയം നേടാൻ കഠിനപരിശ്രമം വേണ്ടി വരും,പണം കടം വാങ്ങിക്കേണ്ടി വരും.യാത്രകൾ സാമ്പത്തിക ബാദ്ധ്യതയുണ്ടാക്കും.
മൂലം: ഭക്ഷണ കാര്യങ്ങളിൽ ശ്രദ്ധിച്ചില്ലെങ്കിൽ കടുത്ത ആരോഗ്യ പ്രശ്നങ്ങൾക്ക് വഴിവയ്ക്കും. അപകടകരമായ സാഹചര്യങ്ങളിൽ ജോലി ചെയ്യുന്നവർ സൂക്ഷിക്കുക.പൊതു പ്രവര്‍ത്തകര്‍ക്ക് മാനഹാനിയും നിയമ നടപടികളും, കമിതാക്കൾക്ക് പ്രണയപരാജയം,പങ്കാളി മുഖേനയും പ്രയാസങ്ങൾ.
പൂരാടം: പങ്കാളിയുടെ കോപം ഇരട്ടിക്കും. ഇത് ചില വാക്കുതർക്കങ്ങൾക്ക് കാരണമാകും. മൂന്നാമതൊരാൾ നിങ്ങൾക്കിടയിൽ പ്രശ്നങ്ങൾ ഉണ്ടാക്കുവാൻ ശ്രമിക്കുന്നത് തടയുക.മേലുദ്യോഗസ്ഥരിൽ നിന്നും വിഷമകരമായ സംസാരവും പ്രവര്‍ത്തികളും നേരിടും, ദാമ്പത്യ ജീവിതം ക്ലേശകരമായിരിക്കും.
ഉത്രാടം: വിദ്യാർത്ഥികൾക്ക് പഠനത്തിൽ പ്രയാസങ്ങൾ അനുഭവപ്പെടും. സാംമ്പത്തിക ബുദ്ധിമുട്ടുകൾ നിരാശയ്ക്ക് വഴിവയ്ക്കുകയും ഏകാഗ്രത നഷ്ടപ്പെടുത്തുകയും ചെയ്യും.ആരോഗ്യ പ്രശ്നങ്ങൾ രൂക്ഷമാകും, അയൽബന്ധങ്ങൾ സൂക്ഷിക്കണം,സഹോദരങ്ങളുമായി കലഹത്തിന് നിൽക്കരുത്, കള്ളന്മാർ കാരണം ധനനാശം.
തിരുവോണം: ഉദ്യോഗത്തിന്റെ കാര്യത്തിൽ ചില ഏറ്റക്കുറച്ചിലുകൾ അനുഭവപ്പെടും. ബിസിനസുകാർക്ക് വ്യാപാരത്തിൽ നിന്ന് വലിയ ഗുണം ലഭിക്കും. കഠിനാധ്വാനം കൂടുതൽ നേട്ടമുണ്ടാക്കാൻ സഹായിക്കും. ജീവിതത്തില്‍ പലവിധത്തിലുമുള്ള പുരോഗതി,കുടുംബത്തില്‍ ഐശ്വര്യവും സമാധാനവും നിലനിർത്താൻ സാധിക്കും, അശരണരെ സഹായിക്കും.
അവിട്ടം: സാമൂഹിക തലത്തിൽ വളരെയധികം ബഹുമാനം നേടാൻ സാദ്ധ്യതയുണ്ട്. ജോലിസ്ഥലത്ത് ക്ഷമയോടെ തുടരുക.പ്രകോപിപ്പിക്കുന്ന പല കാര്യങ്ങളും ചുറ്റും നടക്കും അതിലൊന്നും വശംവദനാകരുത്. സ്ത്രീകള്‍ മുഖേനെ സന്തോഷവും സമാധാനവും ലഭിക്കും, ഒരു വശ്യശക്തി നിഴലിച്ചു നില്‍ക്കും.
ചതയം: പുതിയ ആശയങ്ങൾ ജോലിയുമായി സംയോജിപ്പിക്കുന്നത് നല്ല ഫലം കൊണ്ടുവരും. കുടുംബത്തോടും സുഹൃത്തുക്കളോടുമുള്ള ഉത്തരവാദിത്തം കാണിക്കാൻ സാഹചര്യങ്ങളുണ്ടാകും. സാമ്പത്തിക സഹായം ലഭിക്കും, മറ്റുള്ളവരെ സഹായിക്കാന്‍ താല്‍പര്യം കാണിക്കും, യാത്രാഗുണം കാണുന്നുണ്ട്.
പൂരുരുട്ടാതി: ആഗ്രഹിക്കുന്ന സ്ഥലത്തേക്ക് സ്ഥാനമാറ്റം ലഭിക്കും. വിദ്യാർത്ഥികൾക്ക് ഏകാഗ്രത വർദ്ധിക്കും. പഠന കാര്യങ്ങൾ ഏത് പ്രതിസന്ധി ഘട്ടത്തെയും മറികടന്നു മുന്നേറും. ഉദ്യോഗസ്ഥരില്‍ നിന്നും ആത്മാര്‍ഥമായ സഹകരണം പ്രതീക്ഷിക്കാം.കുടുംബ സുഖം, ബിസിനസില്‍ നേട്ടം, വിദ്യാഗുണം.
ഉത്രട്ടാതി: ഉദ്യോഗസ്ഥർക്ക് സ്ഥാനക്കയറ്റത്തിനും ഉദ്യോഗാർത്ഥികൾക്ക് നിയമനത്തിനും സാദ്ധ്യതയുള്ള സമയം. സമൂഹത്തിൽ കുടുംബത്തിന്റെ പ്രതിച്ഛായ ഉയർത്തുന്ന തരത്തിലുള്ള കാര്യങ്ങൾ സംഭവിക്കും. ഗാംഭീര്യം പ്രകടിപ്പിക്കും, എല്ലാവരും പ്രീതികരമായ രീതിയില്‍ പെരുമാറും, ഉപരിപഠനത്തിന് അനുകൂലമായ സമയം, ശാരീരികമായി ഉണ്ടായിരുന്ന വിഷമതകൾ ശമിക്കും.
രേവതി: ബിസിനസില്‍ കൂടുതൽ വരുമാനം കണ്ടെത്താനുള്ള ആശയങ്ങൾ നടപ്പിലാക്കും. മുതിർന്ന വ്യക്തികൾക്ക് പഴയകാല സുഹൃത്തുക്കളുടെ സഹായം ലഭിക്കും.പ്രയത്നത്തിന് തക്കവണ്ണം അംഗീകാരം ലഭിക്കും, ഉല്ലാസകരമായ അനുഭവങ്ങള്‍, എതിര്‍പ്പുകളെ അതിജീവിക്കാന്‍ സാധിക്കും, ദൈവീക ചിന്ത ഉടലെടുക്കും, പങ്കാളിയുടെ ചതിയിൽ പെടരുത്.