ഫെഫ്ക പ്രസിഡന്റായി സിബി മലയിലിനേയും ജനറൽ സെക്രട്ടറിയായി ബി. ഉണ്ണിക്കൃഷ്‌ണനേയും വാർഷിക ജനറൽ കൗൺസിൽ യോഗത്തിൽ തിരഞ്ഞെടുത്തു. വർക്കിംഗ് ജനറൽ സെക്രട്ടറിയായി സോഹൻ സീനുലാലും ട്രഷററായി സതീഷ് ആർ.എച്ചും തുടരും.
ജി.എസ്‌ വിജയൻ, എൻ.എം ബാദുഷ, ദേവി .എസ്‌, അനിൽ ആറ്റുകാൽ, ജാഫർ കാഞ്ഞിരപ്പിള്ളി എന്നിവരാണ് വൈസ് പ്രസിഡന്റ്മാർ. ഷിബു ജി. സുശീലൻ, അനീഷ് ജോസഫ്, നിമേഷ് .എം, ബെന്നി ആർട്ട്‌ ലൈൻ, പ്രദീപ്‌ രംഗൻ എന്നിവർ ജോയിന്റ് സെക്രട്ടറിമാരും ആണ്. ഇരുപത്തി ഒന്ന് അംഗ സംഘടനകളിൽ നിന്നുള്ള അറുപത്തി മൂന്ന് ജനറൽ കൗൺസിൽ അംഗങ്ങളാണ് ഭാരവാഹികളെ ഐകകണ്ഠേന തിരഞ്ഞെടുത്തത്. ഫെഫ്കയിലെ മുഴുവൻ അംഗങ്ങൾക്കും സൗജന്യ ആരോഗ്യ ഇൻഷുറൻസ് പദ്ധതി, ആസ്ഥാന മന്ദിര നിർമ്മാണം, കൂടുതൽ മെച്ചപ്പെട്ട തൊഴിൽ സാഹചര്യങ്ങൾ ഒരുക്കുക തുടങ്ങിയ ഒട്ടേറെ പദ്ധികളാണ് പുതിയ വർഷത്തിൽ ഫെഫ്ക ലക്ഷ്യമിടുന്നത്.