ബംഗളൂരു: വിവാഹത്തോടനുബന്ധിച്ചുളള സേവ് ദി ഡേറ്റ് ഫോട്ടോ ഷൂട്ടുകൾ, മെറ്റേണിറ്റി ഷൂട്ടുകൾ തുടങ്ങി നിരവധി ചിത്രങ്ങൾ സാധാരണയായി സോഷ്യൽമീഡിയയിൽ കാണാൻ സാധിക്കും. അവയിൽ ചിലത് സോഷ്യൽ മീഡിയയിൽ വൈറലാകാറുമുണ്ട്. എന്നാൽ ഇപ്പോൾ ഒരു അദ്ധ്യാപികയും പത്താംക്ലാസുകാരനായ വിദ്യാർത്ഥിയും തമ്മിലുളള ചിത്രങ്ങളാണ് സോഷ്യൽമീഡിയയിൽ വലിയ വിവാദങ്ങൾക്ക് വഴിവച്ചിരിക്കുന്നത്.
കർണാടകയിലെ ചിന്താമണി താലൂക്കിലെ മുരുഗമല എന്ന ഗ്രാമത്തിലെ സർക്കാർ സ്കൂളിലെ പ്രധാന അദ്ധ്യാപികയും വിദ്യാർത്ഥിയും തമ്മിലുളളതാണ് പ്രചരിക്കുന്ന ചിത്രങ്ങൾ. വിനോദയാത്രയ്ക്കിടെയായിരുന്നു സംഭവം. വിദ്യാർത്ഥി അദ്ധ്യാപികയെ ചുംബിക്കുന്നതും എടുത്ത് പൊക്കുന്നതുമായ ചിത്രങ്ങളാണ് വിവാദങ്ങൾക്ക് കാരണമായത്. അദ്ധ്യാപികയുടെ കൈയിൽ വിദ്യാർത്ഥി നൽകിയ റോസാ പൂവുണ്ട്. ആൺകുട്ടി കുർത്തയും ജീൻസുമാണ് ധരിച്ചിരിക്കുന്നത്.
ഇതോടെ സ്കൂളിലെ മറ്റ് വിദ്യാർത്ഥികളുടെ രക്ഷിതാക്കളും നാട്ടുകാരും അദ്ധ്യാപികയ്‌ക്കെതിരെ കർശന നടപടികൾ സ്വീകരിക്കണമെന്ന് അധികൃതരോട് ആവശ്യപ്പെട്ട് രംഗത്തെത്തി. അദ്ധ്യാപിക ആൺകുട്ടിയോട് മോശമായി പെരുമാറിയെന്നാണ് രക്ഷിതാക്കൾ പറയുന്നത്. രക്ഷിതാക്കൾ ബ്ലോക്ക് എജ്യൂക്കേഷൻ വകുപ്പിന് പരാതി നൽകിയിട്ടുണ്ട്.അദ്ധ്യാപികയെക്കുറിച്ച് വിശദമായ അന്വേഷണം നടത്തണമെന്നാണ് പരാതിയിൽ പറയുന്നത്. വിദ്യാർത്ഥികളുടെ സുരക്ഷിതത്വം ഉറപ്പാക്കണമെന്നും രക്ഷിതാക്കൾ ആവശ്യപ്പെടുന്നുണ്ട്.
Where are we heading as a society ?
— Amit Singh Rajawat (@satya_AmitSingh) December 28, 2023
Pictures and videos from a romantic photoshoot of a government school teacher with a Class 10 student in Karnataka's Murugamalla Chikkaballapur district, went viral, following which the student's parents filed complaint with the Block… pic.twitter.com/WviIHtOP3J
കഴിഞ്ഞ വർഷം സമാന സംഭവം റിപ്പോർട്ട് ചെയ്തിട്ടുണ്ട്. ക്ലാസ് മുറിയിൽ ഭോജ്പുരി ഗാനത്തിൽ നൃത്തം ചെയ്ത അദ്ധ്യാപകയ്‌ക്കെതിരെയും കർശന നടപടി എടുത്തിട്ടുണ്ട്. പാറ്റ്ലി കമാര്യ മോറി എന്ന യുവതിയാണ് കുട്ടികൾക്ക് മുൻപ് മോശമായി നൃത്തം ചെയ്തത്.