ആലപ്പുഴ: ചെങ്ങന്നൂരിൽ ക്ഷേത്ര ഉത്സവത്തിന് എത്തിച്ച ആന ചരിഞ്ഞു. തിരുവിതാംകൂർ ദേവസ്വം ബോർഡിന്റെ വെട്ടിക്കാട്ട് ചന്ദ്രശേഖരൻ എന്ന ആനയാണ് ചരിഞ്ഞത്. കിടപ്പിലായ ആനയെ ഏഴുന്നേൽപ്പിക്കാൻ ശ്രമിച്ചെങ്കിലും നടന്നില്ല.

ആലപ്പുഴയിലെ ചെങ്ങന്നൂർ മഹാദേവ ക്ഷേത്രത്തിലെ ഉത്സവത്തിനായാണ് ആനയെ എത്തിച്ചത്. അതേസമയം, ആരോഗ്യ പ്രശ്നങ്ങളുള്ള ചന്ദ്രശേഖരനെ വിശ്രമം നൽകാതെ ഉത്സവത്തിന് കൊണ്ടു വരികയായിരുന്നുവെന്ന് നാട്ടുകാർ ആരോപിക്കുന്നുണ്ട്. ആനയ്ക്ക് പ്രായാധിക്യം മൂലമുള്ള അവശതയായിരുന്നുവെന്നാണ് ദേവസ്വം ബോർഡ് അധികൃതർ പ്രതികരിച്ചിരുന്നത്.