മീര നന്ദനും ഭാവി വരൻ ശ്രീജുവും ലണ്ടനിൽ അവധിക്കാലം ആഘോഷിക്കുന്ന ചിത്രങ്ങൾ സമൂഹമാദ്ധ്യമത്തിൽ ശ്രദ്ധ നേടുന്നു. എന്റെ ബെസ്റ്റ് ക്രിസ്മസ് എന്നാണ് മീര സമൂഹമാദ്ധ്യമത്തിൽ പങ്കുവച്ച ചിത്രങ്ങൾക്ക് നൽകിയ

അടിക്കുറിപ്പ്. ലണ്ടനിലെ വിവിധ സ്ഥലങ്ങളിൽ ഇരുവരും ഒരുമ്മിച്ച് യാത്ര ചെയ്യുന്ന ചിത്രങ്ങളും പങ്കുവച്ചിട്ടുണ്ട്. അടുത്തിടെ ശ്രീജുവിനൊപ്പമുള്ള ചിത്രങ്ങൾ പങ്കുവച്ചപ്പോൾ ശ്രീജുവിന് നേരെ രൂക്ഷമായ ബോഡി ഷേമിംഗ് കമന്റുകൾ ഉണ്ടാവുകയും ചെയ്തു. എന്നാൽ നിരവധി ആരാധകർ ഇരുവരേയും അനുകൂലിക്കുകയും ചെയ്തു. ഡാൻസ് റിയാലിറ്റി ഷോയിലൂടെ എത്തി അവതാരകയായി മാറിയ മീര നന്ദൻ മുല്ല സിനിമിയിലെ ആദ്യ കഥാപാത്രത്തിലൂടെ തന്നെ പ്രേക്ഷകർക്ക് പ്രിയങ്കരിയായി മാറുകയും ചെയ്തിരുന്നു. മലയാളത്തിലും അന്യഭാഷയിലും നിരവധി ചിത്രങ്ങളിൽ തിളങ്ങിയ മീര സിനിമയിൽ നിന്ന് ഇടവേള എടുത്ത് ഇപ്പോൾ അജ്മാൻ ഗോൾഡ് എഫ്.എംമിൽ ആർജെയാണ്. കഴിഞ്ഞ സെപ്തംബറിലായിരുന്നു മീരയുടെ വിവാഹ നിശ്ചയം. ലണ്ടനിലാണ് ശ്രീജു ജോലി ചെയ്യുന്നത്. അടുത്ത വർഷം വിവാഹം ഉണ്ടാകുമെന്ന് മീര ആരാധകരെ അറിയിച്ചിട്ടുണ്ട്.