റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ-മെയിൽ: samkhiyarathnam@gmail.com

2023 ഡിസംബർ 31 1199 ധനു 15 ഞായറാഴ്ച.

(പുലർച്ചെ 5 മണി 41 മിനിറ്റ് 40 സെക്കന്റ് വരെ ആയില്യം നക്ഷത്രം ശേഷം മകം നക്ഷത്രം )

അശ്വതി: ദാനകർമ്മങ്ങൾ നടത്തും, സാഹിത്യകാരൻമാർക്ക് പുതിയ അവസരങ്ങൾ, ശുഭ വാർത്തകൾ ശ്രവിക്കും, ദാമ്പത്യ ജീവിതം സമാധാന പൂർണ്ണമാകും, കലാരംഗത്ത് പുതിയ കൂടിച്ചേരലുകൾ ഉണ്ടാകും.

ഭരണി: നിർമ്മാണ പദ്ധതികൾക്ക് തുടക്കം കുറിക്കും, ധനാഗമവും വിനോദ യാത്രയും ഫലം.പ്രണയത്തിനു കുടുംബത്തിൽനിന്നും അനുകൂലമായ നിലപാട്, സന്താനലാഭം,ധനനേട്ടം.

കാർത്തിക: ദാമ്പത്യ വിഷയങ്ങളിൽ പൊതുവേ സുഖം, കുടുംബത്തിൽ ഐശ്വര്യം വർദ്ധിക്കും, വരുമാനത്തിൽ വർദ്ധനവ്, ആത്മവിശ്വാസം വർദ്ധിക്കും, ബിസനസ്സ് കൂടുതൽ വിപുലമാക്കും.

രോഹിണി: വായനാശീലം വർദ്ധിക്കും,ധനാഭിവൃദ്ധിയുടെ സമയം, ആഗ്രഹപ്രാപ്തി, മുമ്പുണ്ടായിരുന്നതിനേക്കാൾ സമാധാനവും സന്തോഷവും അനുഭവപ്പെടും, ഇന്റർവ്യൂകളിൽ ജയം, നല്ല സമയം.

മകയിരം: ദാമ്പത്യ സുഖക്കുറവ്, സുഖവും ദുഃഖവും മാറിമാറി അനുഭവത്തിൽ വരും, സഹോദരരോ സഹോദര സ്ഥാനീയരോ ആയി കലഹം ഉണ്ടാകാൻ ഉള്ള സാദ്ധ്യത, സംസാരം വളരെ നിയന്ത്രിക്കണം, ധനത്തിന് ബുദ്ധിമുട്ടേണ്ടി വരും.

തിരുവാതിര: സുഹൃത്തുക്കളുമായി അകലാതിരിക്കാൻ പ്രത്യേകം ശ്രദ്ധിക്കണം, എല്ലാംകൊണ്ടും ദുഷിച്ച ദിവസം, കർമ്മ രംഗത്ത് പ്രതിസന്ധി തരണം ചെയ്യേണ്ടി വരും, കുടുംബ സ്വത്തിലുള്ള തർക്കം കോടതിയിൽ എത്തും, ആരോഗ്യപരമായ പ്രയാസങ്ങൾ നേരിടേണ്ടി വരും.

പുണർതം: ശത്രു ഭീതിയും പരാജയവും,സുരക്ഷിതത്വം ഇല്ലായ്മ അനുഭവപ്പെടാം, ആശുപത്രി വാസം വേണ്ടി വരും, സാമ്പത്തിക കാര്യങ്ങളിൽ ഒന്ന് ബുദ്ധിമുട്ടി മാത്രം കാര്യങ്ങൾ ശരിയാകും, മുതിർന്നവരുടെ ഉപദേശം തേടി വേണം എന്തും ചെയ്യാൻ.

പൂയം: തൊഴിൽ നഷ്ടം, യാത്രയിൽ അസ്വസ്ഥതകൾ, സദാസമയവും കാരണമില്ലാതെ മനസ്സ് വ്യാകുലപ്പെടും, അനാവശ്യമായ കോപം നിമിത്തം ബന്ധുക്കൾ ശത്രുക്കൾ ആകും.

ആയില്യം: അപമാനം, ഭീരുത്വം, കുടുംബത്തിൽ കലഹം,നഷ്ടങ്ങൾ വരാതെ നോക്കണം, കലാകാരന്മാരെ അപകീർത്തിപ്പെടുത്താൻ മറ്റുള്ളവർ ശ്രമിക്കും സൂക്ഷിക്കുക, തൊഴിൽ സ്ഥാപനത്തിൽ കുഴപ്പങ്ങൾ ഉണ്ടാകും.

മകം: കലഹത്തിനു വരുന്നവരെ പോലും സരസമായി സംസാരിച്ചു വശത്താക്കും, അകന്നു കഴിഞ്ഞവർ അടുത്ത് വരും, സ്വന്തം പ്രവർത്തികൾ വിജയത്തിൽ എത്തും,കർമ്മ മേഖലയിൽ നിലനിന്നിരുന്ന അനിശ്ചിതത്വം മാറിപ്പോകും.

പൂരം: കീഴ് ജീവനക്കാരെ ശാസിക്കേണ്ടി വരും, കുടുംബത്തിൽ സമാധാനം കളിയാടും, ശമ്പള വർദ്ധനവിന് യോഗം, ശുഭകരമായ വാർത്തകൾ ശ്രവിക്കും, താൽക്കാലിക ജോലി സ്ഥിരപ്പെടുത്താൻ മേലുദ്യോഗസ്ഥർ സഹായിക്കും.

ഉത്രം: ചിന്താശേഷിയോടുകൂടി പ്രവർത്തിക്കുന്നതിനാൽ പരാജയം വിജയം ആക്കി മാറ്റും, സർക്കാരിൽ നിന്നും അനുകൂലമായി മറുപടി ലഭിക്കും, പ്രണയകാര്യങ്ങളിൽ സന്തോഷം, കർമ്മരംഗം ഉഷാറാകും, ബന്ധുബലം വർദ്ധിക്കും, ശത്രുജയം.

അത്തം: കാര്യങ്ങൾ അനുകൂലമാകും, കലാരംഗത്തുള്ളവർക്ക് നേട്ടം, ഉന്നതസ്ഥാനലബ്ധി, വ്യവഹാരവിജയം, വിദേശയാത്രകൾ ഗുണകരമാകും, വിദ്യാവിജയം, തടസങ്ങൾമാറും, ബിസിനസ്സിൽ ധനവർദ്ധനവ്.

ചിത്തിര: ബുദ്ധിക്കനുസരിച്ചു പെരുമാറും, ധനപ്രാപ്തി, ഔദ്യോഗികമായി ആനുകൂല്യങ്ങൾ ലഭിക്കും, ദാമ്പത്യസുഖം, ആഗ്രഹങ്ങൾ സഫലമാകും, തൊഴിൽ മേഖലയിൽ നിന്നുംനേട്ടം, സന്താനങ്ങളെക്കൊണ്ട് ഗുണം.

ചോതി: ബിസ്സിനസ്സിൽ നിന്നും മികച്ച നേട്ടം, മാതാവിന് ധനലാഭം, സ്ത്രീകൾക്ക് നല്ലസമയം, സുഖാനുഭവങ്ങൾ, ഇഷ്ടഭക്ഷണ ലബ്ധി, മംഗളകർമ്മങ്ങൾക്ക് സാക്ഷിയാകും, ഉദ്യോഗത്തിൽ നേട്ടങ്ങൾ.

വിശാഖം: സാമ്പത്തികമായി നേട്ടം, സുഹൃത്തുക്കൾ വർദ്ധിക്കും, വിമർശിച്ചു കൊണ്ടിരുന്നവർ അനുകൂലമായി സംസാരിക്കും, സമ്മാന ലാഭം, താൽക്കാലിക ജോലി സ്ഥിരമാകും, യാത്രാഗുണം.

അനിഴം: സ്വന്തമായി തൊഴിൽ ചെയ്യുന്നവർക്ക് നേട്ടം, സൗന്ദര്യ വസ്തുക്കൾക്കായി പണച്ചെലവുണ്ടാകും. ഉന്നത വിദ്യാഭ്യാസത്തിനു അനുമതി ലഭിക്കും, പുതിയ അവസരങ്ങൾ, കലാമത്സരങ്ങളിൽ വിജയവും അംഗീകാരവും.

തൃക്കേട്ട: വിഷമതകളെല്ലാം മാറിക്കിട്ടും, അകന്നു കഴിഞ്ഞവർ അടുത്ത് വരും, നിർണ്ണായക സമയങ്ങളിൽ ആത്മനിയന്ത്രണം പാലിക്കുന്നതിനാൽ ആപത്തുകളിൽ നിന്നും രക്ഷ, ആത്മവിശ്വാസം നഷ്‌ടപ്പെടുത്തുന്ന സംഗതികൾ സംജാതമാകും.

മൂലം: വലിയ പ്രതീക്ഷവച്ചു ചെയ്ത പലതും നഷ്ടത്തിൽ കലാശിക്കും, അസ്വസ്ഥതകൾ, തെറ്റിദ്ധാരണകൾ വന്നുഭവിക്കും, കടങ്ങൾ പ്രശ്നങ്ങൾക്ക് കാരണമാകും, സ്ത്രീകൾ കാരണം ചിലർക്ക് പ്രയാസങ്ങൾ വന്നേക്കാം.

പൂരാടം: പ്രയാസങ്ങൾ പലരംഗത്ത് നിന്നും വരാം, ധനപരമായി അനിശ്ചിതത്വം, അനാവശ്യമായി പണം ചെലവാകും, ദാമ്പത്യജീവിതത്തിൽ വിഷമതകൾ, സ്ത്രീകൾ കാരണം അസ്വസ്ഥത.

ഉത്രാടം: വിവാഹാലോചനകൾ മുടങ്ങും, ക്ഷമക്കുറവ്,രോഗാവസ്ഥ, പണസംബന്ധമായി നിയമനടപടികൾ, ശത്രുക്കൾ വർദ്ധിക്കും, മനസ്സിലുദ്ദേശിച്ച സംഗതികൾ നേടിയെടുക്കാൻ എന്ത് മാർഗ്ഗവും സ്വീകരിക്കും.

തിരുവോണം: പണച്ചെലവും ദുരിതവും, യാത്രകൊണ്ട് പ്രതീക്ഷിച്ച ഗുണം കിട്ടില്ല, ബന്ധുക്കളിൽ നിന്നുമുള്ള എതിർപ്പുകൾ, ആരോഗ്യപരമായി കരുതൽ വേണം, നിയമപരമായി ബുദ്ധിമുട്ടുകൾ അനുഭവപ്പെടാം.

അവിട്ടം: കുടുംബത്തിൽ ഐശ്വര്യവും സമാധാനവും,തൊഴിൽമേന്മ, പേരും പെരുമയും ഉണ്ടാകും, എല്ലാവരും അനുകൂലമായ രീതിയിൽ പെരുമാറും, കൃഷിയിൽനിന്നും ധനലാഭം, എല്ലാരംഗത്തും അഭിവൃദ്ധി.

ചതയം: സ്വന്തം തൊഴിൽ സ്ഥാപനത്തിൽ കൂടുതൽ മെച്ചപ്പെട്ട അവസരങ്ങൾ കിട്ടും, ആകർഷകമായി സംസാരിക്കും, അന്യസ്ത്രീകൾ വഴി സുഖവും സമാധാനവും, ഗാംഭീര്യം പ്രകടിപ്പിക്കും, ആഡംബര വസ്തുക്കൾക്കായി പണം ചെലവഴിക്കും.

പൂരുരുട്ടാതി: വിദേശത്ത്നിന്നും നല്ല വാർത്തകൾ കേൾക്കും,പ്രശ്നങ്ങളെ ധീരതയോടെ നേരിട്ടു വിജയം വരിക്കും, ഇന്റർവ്യുകളിൽ വിജയം, മാനസിക നിലയിൽ ശാന്തത, ആപത്തുകൾ മാറും, ബന്ധുക്കളിൽ നിന്നും സഹായം കിട്ടും, ദൈവാനുകൂല്ല്യം.

ഉത്തൃട്ടാതി: വാഹനസുഖം, യാത്രാഗുണം, ബന്ധുക്കളുടെ വീട്ടിൽ സന്ദർശനം നടത്തും, ഭാര്യാഗുണം, ഇഷ്ട ഭക്ഷണലബ്ധി, യാത്രമൂലം നേട്ടം, തൊഴിൽ രംഗത്ത് നിന്നും ആനുകൂല്ല്യം. ദാമ്പത്യം സുഖപ്രദം.

രേവതി: സ്വന്തം പ്രവർത്തികൾ വിജയത്തിലെത്തും,ശ്രദ്ധാപൂർവ്വം ജോലി നിർവ്വഹിക്കും.ബന്ധു ഗുണം, സ്ത്രീകൾക്ക് ആഭരണ വസ്ത്രാദിലാഭം, വിദ്യാഗുണം, പുതിയ അറിവുകൾ സമ്പാദിക്കും,സമൂഹത്തിലെ ഉന്നത സ്ഥാനീയരുടെ ആശിർവാദങ്ങൾ ലഭിക്കും.