മൂന്ന്​ മാസത്തിൽ താ​ഴെ മാത്രം കാലയളവിൽ നടന്ന ഇസ്രായേലിന്റെ ആക്രമണത്തിൽ ​കൊല്ലപ്പെട്ട മാധ്യമ പ്രവർത്തകരുടെ എണ്ണം മൂന്ന്​ പതിറ്റാണ്ടിനിടയിലെ സംഘർഷങ്ങളിൽ കൊല്ലപ്പെട്ടവരെക്കാൾ കൂടുതലാണെന്ന് ഇൻ്റർനാഷനൽ ഫെഡറേഷൻ ഓഫ്​ ജേർണലിസ്റ്റിന്റെ (ഐ.എഫ്​.ജെ) കണക്കുകൾ വ്യക്​തമാക്കുന്നു. 2023ൽ 94 മാധ്യമപ്രവർത്തകർ കൊല്ലപ്പെടുകയും 400 പേർ ജയിലിൽ അടക്കപ്പെടുകയും ചെയ്തു. ഇതിൽ 68 പേരും ഇസ്രായേൽ- പാലസ്തീൻ സംഘർഷം റിപ്പോർട്ട്​ ചെയ്യപ്പെടുന്നതിനിടെയാണ്​ ജീവൻ നഷ്ടമായത്​. 2022ൽ യുക്രെയ്​ൻ യുദ്ധത്തിനിടെ 12 പേർ അടക്കം 67 മാധ്യമ പ്രവർത്തകർക്കാണ്​ ജീവൻ നൽകേണ്ടി വന്നത്​.