വെല്ലിങ്ടൺ: പുതുപ്രതീക്ഷകളുമായി ലോകം പുതുവർഷത്തിലേക്ക് കുതിപ്പിൽ 2024 ആദ്യമെത്തിയത് പസഫികിലെ ചെറു ദ്വീപ് രാജ്യമായ കിരിബാത്തി ദ്വീപിൽ. തൊട്ടുപിന്നാലെ ന്യൂസിലാൻഡിലും പുതുവർഷം പിറന്നു. ലോകത്തെ ഒറ്റപ്പെട്ട ദ്വീപുകളിലൊന്നാണ് കിരിബാത്തി. സമോവയ്ക്കും ഫിജിക്കും സമീപമുള്ള മധ്യപസഫിക് സമുദ്രത്തിലെ മനോഹരമായ ചെറു ദ്വീപ് രാഷ്ട്രമാണ് കിരിബത്തി. കിരിബത്തിയിലെ 33 ദ്വീപുകളിൽ 21 എണ്ണത്തിൽ മാത്രമാണ് ജനവാസമുള്ളത്. ഇവയെ ഗിൽബെർട്ട് ദ്വീപുകൾ, ഫീനിക്സ് ദ്വീപുകൾ, ലൈൻ ദ്വീപുകൾ എന്നിങ്ങനെ മൂന്ന് മേഖലകളായി തിരിച്ചിട്ടുണ്ട്. ഏകദേശം 120,000 ആളുകൾ താമസിക്കുന്ന ഈ രാജ്യം തെങ്ങിൻ തോപ്പുകൾക്കും മത്സ്യഫാമുകൾക്കും പേരുകേട്ടതാണ്. ഇതിനുപിന്നാലെയാണ് ന്യൂസിലാൻഡിലും പുതുവർഷം പിറന്നത്. ഇന്ത്യൻ സമയം വൈകിട്ട് 3.30ഓടെയാണ് കിരിബാത്തിയിൽ പുതുവർഷമെത്തിയത്.