ക​ല്ലൂ​ർ: മ​ങ്ക​ര പ​ഞ്ചാ​യ​ത്തി​ലെ ക​ല്ലൂ​ർ മേ​ഖ​ല​യി​ൽ കൂ​ർ​ക്ക കൃ​ഷി വി​ള​വെ​ടു​പ്പ് തു​ട​ങ്ങിയെങ്കിലും ക​ഴി​ഞ്ഞ വ​ർ​ഷ​ത്തേ​ക്കാ​ൾ വി​ല​ക്കു​റ​വാ​യ​തി​നാ​ൽ ക​ർ​ഷ​ക​ർ ഇ​ത്ത​വ​ണ ക​ണ്ണീ​രി​ലാ​ണ്. 40 രൂ​പ വ​രെ കി​ലോ​ക്ക് ല​ഭി​ച്ചി​രു​ന്ന കൂ​ർ​ക്ക ഇ​പ്പോ​ൾ 20 - 22 രൂ​പ​ക്കാ​ണ് ക​ച്ച​വ​ട​ക്കാ​ർ ശേ​ഖ​രി​ക്കു​ന്ന​ത്. ഒ​രു ഏ​ക്ക​ർ കൂ​ർ​ക്ക കൃ​ഷി ചെ​യ്യാ​നാ​യി ഒ​രു​ല​ക്ഷം രൂ​പ​യി​ലേ​റെ വ​രെ ചെലവാ​യി​ട്ടു​ണ്ട്. നി​ധി, ശ്രീ​ധ​ര, സു​ഫ​ല, എ​ന്നീ ഇ​ന​ങ്ങ​ളാ​ണ് കൃ​ഷി​യി​റ​ക്കി​യി​രു​ന്ന​ത്.

ക​ല്ലൂ​രി​ൽ മാ​ത്ര​മാ​യി 100 ഏ​ക്ക​റോ​ളം കൂ​ർ​ക്ക കൃ​ഷി ചെ​യ്തി​ട്ടു​ണ്ട്. പാ​ല​ക്കാ​ട​ൻ കൂ​ർ​ക്കയ്​ക്ക് തൃ​ശൂ​ർ, എ​റ​ണാം​കു​ളം ജി​ല്ല​യി​ൽ ന​ല്ല ഡി​മാ​ന്റാ​ണ്. ഏ​ക​ദേ​ശം മൂ​ന്നു മാ​സം കൊ​ണ്ട് വി​ള​വെ​ടു​പ്പാ​നാ​കും. ജൂ​ൺ മാ​സ​ത്തി​ൽ ന​ടേ​ണ്ട കൃ​ഷി കാ​ല​വ​ർ​ഷം വൈ​കി​യ​തോ​ടെ ആ​ഗ​സ്റ്റ് മാ​സ​ങ്ങ​ളി​ലാ​ണ് ന​ടീ​ൽ പൂ​ർ​ത്തീ​ക​രി​ച്ച​ത്. ഇ​ത്ത​വ​ണ വി​ല​യും വി​ള​വും വ​ള​രെ കു​റ​വാ​ണ്. പ​ല​ക​ർ​ഷ​ക​രും ക​ട​ക്കെ​ണി​യി​ലു​മാ​ണ്. കൂ​ലി​ച്ചെ​ല​വ് പോ​ലും കി​ട്ടാ​ത്ത​തി​നാ​ൽ ഏ​റെ ദു​രി​ത​ത്തി​ലാ​ണ് കൂ​ർ​ക്ക ക​ർ​ഷ​ക​രെ​ന്നും സ​ർ​ക്കാ​റി​ന്റെ സ​ഹാ​യം ല​ഭ്യ​മാ​ക്ക​ണ​മെ​ന്നും ക​ർ​ഷ​ക​രാ​യ കെ.​കെ.റ​ഹി​മാ​ൻ, അ​ര​ങ്ങാ​ട്ട് നാ​സ​ർ, എം.​വി.ര​മേ​ശ്, കു​ഞ്ഞു​കു​ട്ട​ൻ, അ​ബ്ദു​ൽ കാ​ത​ർ, കു​ട്ട​ൻ, അ​ലി എ​ന്നി​വ​ർ ആ​വ​ശ്യ​പ്പെ​ട്ടു.