കൊ​ല്ല​ങ്കോ​ട്: തെന്മലയോരത്ത് ഒരു ഇടവേളയ്ക്ക് ശേഷം അ​ന​ധി​കൃ​ത മ​ണ്ണ് ഖ​ന​നം സ​ജീ​വ​മാകുന്നു. വ്യാ​പ​ക മ​ണ്ണെ​ടു​പ്പ് തു​ട​രുമ്പോഴും ന​ട​പ​ടി​യെ​ടു​ക്കാ​തെ റ​വ​ന്യു - ജി​യോ​ള​ജി വ​കു​പ്പു​ക​ൾ. കൊ​ല്ല​ങ്കോ​ട്, എ​ല​വ​ഞ്ചേ​രി, തെ​ന്മ​ല​യോ​ര പ്ര​ദേ​ശ​ങ്ങ​ളാ​യ വാ​ഴ​പ്പു​ഴ, മാ​മ​ണി, ചാ​ത്ത​ൻ​പാ​റ, മ​ണ്ണാ​ർ​കു​ണ്ട്, മാ​ത്തൂ​ർ, കൊ​ളു​മ്പ്, വ​ള​വ​ടി, എ​ല​വ​ഞ്ചേ​രി അ​ടി​വാ​രം എ​ന്നീ പ്ര​ദേ​ശ​ങ്ങ​ളി​ലാ​ണ് മ​ണ്ണെ​ടു​പ്പ് ന​ട​ത്തു​ന്ന​ത്.

ഇ​ഷ്ടി​ക​ ക​ള​ങ്ങ​ൾ​ക്കും ഓ​ട്ടു ക​മ്പ​നി​ക​ൾ​ക്കു​മാ​ണ് മ​ണ്ണ് ക​ട​ത്തു​ന്ന​ത്. ഖ​ന​നം ചെ​യ്ത മ​ണ്ണ് ഇ​ഷ്ടി​ക രൂ​പ​ത്തി​ലാ​ക്കി തൃ​ശൂ​ർ, എ​റ​ണാ​കു​ളം, കോ​ട്ട​യം ജി​ല്ല​ക​ളി​ലേ​ക്ക് ക​ട​ത്തു​ന്ന​വ​രും നിരവധിയാണ്. വി​ല്ലേ​ജ് ഉ​ൾ​പ്പെ​ടെ വി​വി​ധ വ​കു​പ്പ് ഉ​ദ്യോ​ഗ​സ്ഥ​രെ അ​നു​കൂ​ല​മാ​ക്കി ന​ട​ത്തു​ന്ന മ​ണ്ണ് ഖ​ന​ന​ത്തി​നെ​തി​രെ ന​ട​പ​ടി​യെ​ടു​ക്കാ​ൻ ത​ഹ​സി​ൽ​ദാ​ർ ഉ​ൾ​പ്പെ​ടെ അ​ധി​കൃ​ത​ർ എ​ത്താ​ത്ത​ത് നാ​ട്ടു​കാ​രു​ടെ ക​ടു​ത്ത പ്ര​തി​ഷേ​ധ​ത്തി​നി​ട​യാ​ക്കി. നെ​ൽ​വ​യ​ൽ ത​ണ്ണീ​ർ​ത്ത​ട നി​യ​മം കാ​റ്റി​ൽ പ​റ​ത്തി നെ​ൽ​പാ​ട​ങ്ങ​ളി​ൽ ന​ട​ത്തു​ന്ന മ​ണ്ണ് ഖ​ന​നം ത​ട​യി​ടാ​ൻ ആ​രും ത​യ്യാ​റാ​വാ​ത്ത​തി​നാ​ൽ മ​ണ്ണെ​ടു​ത്ത ഗ​ർ​ത്ത​ങ്ങ​ൾ അ​നു​ദി​നം വ​ർദ്ധി​ക്കു​ക​യാ​ണ്.

18 അ​ടി​യി​ല​ധി​കം താ​ഴ്ച​ക​ളി​ൽ ഗ​ർ​ത്ത​ങ്ങ​ൾ ഉ​ണ്ടാ​കു​ന്ന​തി​നാ​ൽ പ​രി​സ​ര പ്ര​ദേ​ശ​ങ്ങ​ളി​ലെ പാ​ട​ങ്ങ​ളി​ൽ നെ​ല്ല്, പ​ച്ച​ക്ക​റി കൃ​ഷി​യി​റ​ക്കാ​ൻ സാ​ധി​ക്കു​ന്നി​ല്ലെ​ന്ന്‌ ക​ർ​ഷ​ക​ർ പ​റഞ്ഞു. ക്വാ​റി​ക​ൾ​ക്കു​പോ​ലും അ​നു​മ​തി ന​ൽ​കാ​ത്ത പ​രി​സ്ഥി​തി ലോ​ല പ്ര​ദേ​ശ​മാ​യ മു​ത​ല​മ​ട, എ​ല​വ​ഞ്ചേ​രി, കൊ​ല്ല​ങ്കോ​ട് പ​ഞ്ചാ​യ​ത്തു​ക​ളി​ലെ തെ​ന്മ​ല​യോ​ര പ്ര​ദേ​ശ​ങ്ങ​ളി​ൽ ജി​യോ​ള​ജി വ​കു​പ്പി​ന്റെ അ​നു​വാ​ദ​മി​ല്ലാ​തെ മ​ണ്ണ് - ക​രി​ങ്ക​ൽ ഖ​ന​നം വ്യാ​പ​ക​മാ​കു​ന്ന​തി​നെ​തി​രെ റ​വ​ന്യൂ, ജി​യോ​ള​ജി, ത​ദ്ദേ​ശ​സ്ഥാ​പ​ന വ​കു​പ്പ് ഉ​ദ്യോ​ഗ​സ്ഥ​ർ ക​ണ്ണ​ട​ക്കു​ക​യാ​ണ്.