മണ്ണാർക്കാട്: ഫുട്‌ബാൾ അസോസിയേഷന്റെ 11-ാത് മുല്ലാസ് വെഡിംഗ് സെന്റർ വിന്നേഴ്സ് ആൻഡ് റണ്ണേഴ്സ് ട്രോഫിക്ക് വേണ്ടിയുള്ള അഖിലേന്ത്യാ സെവൻസ് ഫുട്‌ബാൾ ടൂർണമെന്റ് ജനുവരി 17 ന് ആരംഭിക്കും. ടൂർണമെന്റിന് വേണ്ടി നിർമ്മിക്കുന്ന ഇരുമ്പ് ഗ്യാലറിയുടെ കാൽനാട്ടൽ കർമ്മം മണ്ണാർക്കാട് ഡിവൈ.എസ്.പി വി.എ.കൃഷ്ണദാസ് നിർവഹിച്ചു. എം.എഫ്.എ പ്രസിഡന്റ് എം.മുഹമ്മദ് ചെറൂട്ടി അദ്ധ്യക്ഷനായി. ജനറൽ സെക്രട്ടറി ഫിറോസ് ബാബു, ട്രഷറർ എം.സലീം, രക്ഷാധികാരി ടി.കെ.അബൂബക്കർ ബാവി, ബ്ലോക്ക് പഞ്ചായത്ത് വൈസ് പ്രസിഡന്റ് ബഷീർ തെക്കൻ, എം.എഫ്.എ ഭാരവാഹികളായ ഡിലൈറ്റ് ഇബ്രാഹിം, ടി.കെ.റസാക്ക്, കെ.പി.അക്ബർ, സഫീർ തച്ചമ്പാറ, എം.എഫ്.എ മെമ്പർമാർ, അഭ്യുദയകാംക്ഷികൾ തുടങ്ങിയവർ പങ്കെടുത്തു.