തിരുവല്ല: ദേശീയ വിദ്യാഭ്യാസ നയത്തിന്റെ പേരിൽ പാഠപുസ്തകങ്ങളെ വർഗീയവത്ക്കരിക്കുകയും ചരിത്ര യാഥാർത്ഥ്യങ്ങളെ തിരസ്ക്കരിക്കുകയും ചെയ്യുന്ന കേന്ദ്രസർക്കാർ നയം തിരുത്തണമെന്നും മതനിരപേക്ഷ വിദ്യാഭ്യാസം സംരക്ഷിക്കണമെന്നും കെ.എസ്.ടി.എ തിരുവല്ല സബ് ജില്ല വാർഷികസമ്മേളനം ആവശ്യപ്പെട്ടു. കെ.എസ്.ടി.എ സംസ്ഥാന വൈസ് പ്രസിഡന്റ് കെ.വി. ബെന്നി സമ്മേളനം ഉദ്ഘാടനം ചെയ്തു. സബ് ജില്ലാ പ്രസിഡന്റ് കെ.എം.രമേശ്കുമാർ പതാക ഉയർത്തി. ഡോ.ആർ. വിജയമോഹനൻ, ശ്രീലേഖ എസ്.കുറുപ്പ്, രമ്യ എസ്, ജില്ലാജോ.സെക്രട്ടറി എം.ദീപ്തി, സബ് ജില്ലാസെക്രട്ടറി രജനി ഗോപാൽ, ട്രഷറർ ശങ്കരൻ നമ്പൂതിരി,സംസ്ഥാന കമ്മിറ്റിയംഗം ബിന്ദു.സി, ജില്ലാ ജോ.സെക്രട്ടറി എം.ദീപ്തി, ജില്ലാ എക്സിക്യൂട്ടീവ് കമ്മിറ്റിയംഗം കെ.അജയകുമാർ, ജില്ലാ കമ്മിറ്റിയംഗം ആശാ ചന്ദ്രൻ എന്നിവർ പ്രസംഗിച്ചു. ഭാരവാഹികളായി ശങ്കരൻ നമ്പൂതിരി (പ്രസിഡന്റ്), ഷിജോ ബേബി, ഏബ്രഹാം ഉമ്മൻ, ശ്രീലേഖ എസ്.കുറുപ്പ് (വൈസ് പ്രസിഡന്റുമാർ) രജനി ഗോപാൽ (സെക്രട്ടറി) വി.കെ.മിനികുമാരി, രമ്യ എസ്, ടൈറ്റസ് ജോർജ് (ജോയിന്റ് സെക്രട്ടറിമാർ),ഹസീന എം.എസ് (ട്രഷറർ) എന്നിവരെ തിരഞ്ഞെടുത്തു. സമ്മേളനത്തോടനുബന്ധിച്ച് വിദ്യാഭ്യാസ സംഗമവും നടത്തി.