മാവേലിക്കര: സാന്ത്വനം പബ്ലിക് ചാരിറ്റബിൾ ട്രസ്റ്റിന്റെ സാന്ത്വനപ്രഭ പുരസ്‌കാരം അതിവേഗ ചിത്രകാരനും എക്കോ ഫിലോസഫറുമാമായ ജിതേഷ്ജിക്ക് . പതിനയ്യായിരത്തിയൊന്ന് രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌കാരം. 'വരയരങ്ങ്' എന്ന തനതുകലാരൂപത്തിന്റെ ആവിഷ്‌കരണത്തിലൂടെയും പ്രചരണത്തിലൂടെയും പുതിയതലമുറയിൽ പൊതുബോധവും ജീവിതമൂല്യങ്ങളും സാമൂഹ്യ അവബോധവും പകരുന്ന പ്രവർത്തനങ്ങൾ മുൻനിറുത്തിയാണ് പുരസ്‌കാരം നൽകുന്നതെന്ന് മജീഷ്യൻ സാമ്രാജ് ചെയർമാനായുള്ള ജൂറി അറിയിച്ചു. 9ന് വൈകിട്ട് നാലിന് മാവേലിക്കര പുന്നമൂട് അരമനയ്ക്ക് സമീപമുള്ള സെന്റ് മേരിസ് ഹാളിൽ നടക്കുന്ന സമ്മേളനത്തിൽ
മലങ്കര കാതോലിക്ക സഭ മാവേലിക്കര ഭദ്രാസനാധിപൻ ഡോ. ജോഷ്വാ മാർ ഇഗ്‌നാതിയോസ് , ഗാന്ധിഭവൻ സെക്രട്ടറി ഡോ. പുനലൂർ സോമരാജൻ, മജീഷ്യൻ സാമ്രാജ് എന്നിവർ ചേർന്ന് പുരസ്‌കാരം നൽകും. സാന്ത്വനം പ്രസിഡന്റ് അഡ്വ. കെ സുരേഷ് കുമാർ അദ്ധ്യക്ഷത വഹിക്കും.