പത്തനംതിട്ട: പുത്തൻ ഇന്ത്യ പണിയാൻ ശാസ്ത്രബോധം വളരണം എന്ന മുദ്രാവാക്യവുമായി ശാസ്ത്രസാഹിത്യ പരിഷത്തിന്റെ ജനകീയ ക്യാമ്പയിന്റെ ഭാഗമായി ആരംഭിച്ച പദയാത്രകൾ 16ന് ഇലവുംതിട്ടയിൽ സമാപിക്കുമെന്ന് ഭാരവാഹികൾ പറഞ്ഞു. ഇന്ന് കലഞ്ഞൂർ മുതൽ കോന്നി വരെയും റാന്നി മന്ദിരംപടി മുതൽ ഇട്ടിയപ്പാറ വരെയും നാളെ പരുമല മുതൽ പൊടിയാടി വരെയും 12ന് മല്ലപ്പള്ളി മുതൽ കുന്നന്താനം വരെയും 13 ന് പന്തളം ചേരിക്കൽ മുതൽ കീരുകുഴി വരെയും 14ന് അടൂർ പഴകുളം മുതൽ കൊടുമൺ വരെയും 15ന് ഓമല്ലൂർ മുതൽ കുമ്പഴ വരെയും 16ന് കുളനട ഉള്ളന്നൂർ മുതൽ ഇലവുംതിട്ട വരെയുമാണ് പദയാത്രകൾ നടക്കുന്നത്. സെമിനാറുകൾ, കോളേജ് ക്യാംപസ് സംവാദങ്ങൾ, പ്രാദേശിക യോഗങ്ങൾ തുടങ്ങി യവ ക്യാമ്പയിന്റെ ഭാഗമായി നടക്കും. വാർത്താ സമ്മേളനത്തിൽ ജില്ലാ പ്രസിഡന്റ് പി ബാലചന്ദ്രൻ, സംഘാടകസമിതി കൺവീനർ തോമസ് ഉഴുവത്ത് എന്നിവർ പങ്കെടുത്തു.