തിരുവല്ല: പൊതുജീവിതത്തിൽ മതേതര, ജനാധിപത്യ മൂല്യങ്ങളെ ഉയർത്തിപ്പിടിച്ച നേതാവാണ് അന്തരിച്ച സി.പി.ഐ. സംസ്ഥാന സെക്രട്ടറി കാനം രാജേന്ദ്രനെന്ന് മാർത്തോമ്മാ സഭാദ്ധ്യക്ഷൻ ഡോ. തിയഡോഷ്യസ് മാർത്തോമ്മാ മെത്രാപ്പോലീത്താ അശുശോചിച്ചു. രാഷ്ട്രീയത്തിൽ സ്വീകരിച്ച അടിയുറച്ച ജനപക്ഷ നിലപാടുകളാണ് അദ്ദേഹത്തെ വ്യത്യസ്തനാക്കുന്നത്. ചെറുപ്രായത്തിൽ യുവജന പ്രസ്ഥാനത്തിന്റെ നേതൃനിരയിലെത്തിയ കാനം, രാഷ്ട്രീയരംഗത്ത് തന്റെതായ വ്യക്തിമുദ്ര പതിപ്പിച്ചു. അദ്ദേഹത്തിന്റെ വിയോഗം പൊതുജീവിതത്തിന് വലിയ നഷ്ടമാണെന്നും നിര്യാണത്തിൽ മാർത്തോമ്മാ സഭയുടെ അനുശോചനം രേഖപ്പെടുത്തുന്നു.