പത്തനംതിട്ട : കേരളാ സ്റ്റേറ്റ് സിവിൽ സപ്ലൈസ് കോർപ്പറേഷൻ ജില്ലാ ക്രിസ്തുമസ് ഫെയറിന്റെ ഉദ്ഘാടനം നാളെ വൈകിട്ട് നാലിന് മന്ത്രി വീണാ ജോർജ് നിർവഹിക്കും. പൊതുവിപണിയിലെ വിലക്കയറ്റം നിയന്ത്രിക്കുന്നതിന് സർക്കാരിന്റെ വിപണി ഇടപെടൽ നടപടികളുടെ ഭാഗമായി നടത്തുന്ന ക്രിസ്മസ് ഫെയർ നാളെ മുതൽ 30 വരെ പത്തനംതിട്ട മുനിസിപ്പൽ ഓഫീസിന് എതിർവശം റോസ് മൗണ്ട് ഓഡിറ്റോറിയത്തിൽ നടക്കും. ഫെയറിൽ നിന്ന് അരിയും പലവ്യഞ്ജനങ്ങളും സബ്‌സിഡി നിരക്കിലും ഫ്രീസെയിൽ നിരക്കിലും ലഭിക്കും. ജനപ്രിയ കൺസ്യൂമർ ഉൽപ്പന്നങ്ങൾക്ക് ഡിസ്‌കൗണ്ടിനൊപ്പം പൊതുവിപണിയിൽ ലഭ്യമല്ലാത്ത സ്‌പെഷ്യൽ കോമ്പോ ഓഫറോടുകൂടിയ ഉൽപ്പന്നങ്ങളും ലഭ്യമാണ്.