കോഴഞ്ചേരി : എസ്.എൻ.ഡി.പിയോഗം കോഴഞ്ചേരി യൂണിയനും അയിരൂർ ശ്രീ നാരായണ മിഷനും സംയുക്തമായി നടത്തുന്ന 30ാമത് ശ്രീനാരായണ കൺവെൻഷൻ 23 മുതൽ 26 വരെ അയിരൂർ പുത്തേഴം ശ്രീ ശങ്കരോദയ മഹാദേവ ക്ഷേത്രാങ്കണത്തിൽ നടക്കും. 23ന് രാവിലെ 8.30ന് അയിരൂർ ശ്രീനാരായണ മിഷൻ പ്രസിഡന്റ് സി.എൻ.ബാബുരാജൻ പതാക ഉയർത്തു. 9 മുതൽ നാരങ്ങാനം 91-ാം ശാഖാ വനിതാസംഘത്തിന്റെ ഭക്തിഗാനസുധ. 10.30ന് കാഞ്ഞിരമറ്റം നിത്യനികേതൻ മഠാധിപതി സ്വാമി മുക്താനന്ദയതി സമ്മേളനം ഉദ്ഘാടനം ചെയ്യും. എസ്.എൻ.ഡി.പിയോഗം കോഴഞ്ചേരി യൂണിയൻ പ്രസിഡന്റ് കെ.എൻ.മോഹൻ ബാബു അദ്ധ്യക്ഷത വഹിക്കും. ശിവഗിരി മഠത്തിലെ പ്രബോധ തീർത്ഥ സ്വാമികൾ മുഖ്യപ്രഭാഷണം നടത്തും.യോഗം അസിസ്റ്റന്റ് സെക്രട്ടറി പി.എസ്.വിജയൻ, യൂണിയൻ വൈസ് പ്രസിഡന്റ് വിജയൻ കാക്കനാടൻ ,മിഷൻ പ്രസിഡന്റ് സി.എൻ.ബാബുരാജൻ, എന്നിവർ സംസാരിക്കും. വനിതായുവജനസമ്മേളനം അഡ്വ.പ്രമോദ് നാരായണൻ എം.എൽ.എ ഉദ്ഘാടനം ചെയ്യും.
വനിതാസംഘം യൂണിയൻ പ്രസിഡന്റ് വിനീതാ അനിൽ അദ്ധ്യക്ഷത വഹിക്കും. യൂത്ത് മൂവ്‌മെന്റ് കേന്ദ്രസമിതി അംഗം സജീഷ് മണലേൽ മുഖ്യപ്രഭാഷണം നടത്തും. വനിതാസംഘം യൂണിയൻ സെക്രട്ടറി ബാംബി രവീന്ദ്രൻ, കോയിപ്പുറം ബ്ലോക്ക് പഞ്ചായത്ത് വൈസ് പ്രസിഡന്റ് ഉണ്ണി പ്ലാച്ചേരി, യൂത്ത് മൂവ് മെന്റ് യൂണിയൻ പ്രസിഡന്റ് ജിനു ദാസ് ,സെക്രട്ടറി സോജൻ സോമൻ എന്നിവർ സംസാരിക്കും.
24 ന് രാവിലെ 9 മുതൽ തെള്ളിയൂർ വനിതാസംഘം അവതരിപ്പിക്കുന്ന ഭക്തിഗാനസുധ. 10.30ന് ശിവബോധാനന്ദ സ്വാമികളുടെ നേതൃത്വത്തിൽ ശ്രീനാരായണ ധർമ്മ പ്രബോധനവും ധ്യാനവും. അഡ്വ.അരുൾ കൊട്ടാരക്കര ധ്യാന സന്ദേശം നൽകും.വൈകിട്ട് 4ന് മഹാ സർവ്വൈശ്വര്യപൂജ. 25ന് രാവിലെ 9 മുതൽ വെള്ളിയറ വനിതാസംഘം അവതരിപ്പിക്കുന്ന ഭക്തിഗാനസുധ.10ന് കലാ സാഹിത്യ സമ്മേളനം കോഴഞ്ചേരി യൂണിയൻ വൈസ് പ്രസിഡന്റ് വിജയൻ കാക്കനാടൻ ഉദ്ഘാടനം ചെയ്യും. യൂണിയൻ സെക്രട്ടറി ജി.ദിവാകരൻ അദ്ധ്യക്ഷത വഹിക്കും. 26ന് രാവിലെ 9 മുതൽ കോഴഞ്ചേരി ശാഖ വനിതാ സംഘം അവതരിപ്പിക്കുന്ന ഭക്തിഗാനസുധ.10ന് സമാപന സമ്മേളനം ഗോവാ ഗവർണർ അഡ്വ.പി.എസ്.ശ്രീധരൻ പിള്ള ഉദ്ഘാടനം ചെയ്യും. ശ്രീനാരായണ മിഷൻ പ്രസിഡന്റ് സി.എൻ.ബാബുരാജൻ അദ്ധ്യക്ഷത വഹിക്കും. വിജയലാൽ നെടുങ്കണ്ടം മുഖ്യ പ്രഭാഷണം നടത്തും. യോഗം ഇൻസ്‌പെക്ടിംഗ് ഓഫീസർ, രവീന്ദ്രൻ എഴുമറ്റൂർ, യൂണിയൻ കമ്മിറ്റി അംഗം വി.എസ്.സനിൽ നാരങ്ങാനം, മിഷൻ ഓർഗനൈസർ എസ്.ശ്രീകുമാർ എന്നിവർ സംസാരിക്കും. 2 മുതൽ നാരങ്ങാനം 91 ാം ശാഖാ വനിതാസംഘം ഗുരദേവ കൃതികളെ ആസ്പദമാക്കി അവതരിപ്പിക്കുന്ന തിരുവാതിര. തുടർന്ന് കലാമത്സര വിജയികൾക്ക് സമ്മാനദാനം നടക്കും.