റാന്നി : പമ്പാനദിയിൽ നിന്ന് മണൽ വാരുന്നതിന് അനുമതി കാത്തി​രി​ക്കുകയാണ് പെരുന്തേനരുവിയും കുരുമ്പൻമൂഴി നിവാസികളും. പ്രളയത്തിൽ ടൺ കണക്കി​ന് മണ്ണ് ഡാമിനുള്ളിൽ അടിഞ്ഞു കൂടിയിട്ടുണ്ട്. ഇതുമൂലം ഡാമിൽ അനുവദനീയമായ അളവി​ൽ വെള്ളം ഉൾക്കൊള്ളാൻ സാധി​ക്കുന്നി​ല്ല. ഡാമിൽ മണ്ണ് നിറഞ്ഞതി​നാൽ ചെറുമഴയിൽ പോലും കുരുമ്പൻമൂഴി കോസ്‌വേ വെള്ളത്തിലാകും. കുരുമ്പൻമൂഴി നിവാസികളാണ് ഇതുമൂലം ഏറെ ദുരി​തം അനുഭവി​ക്കുന്നത്. എല്ലാവർഷവും വെള്ളപ്പൊക്കത്തി​ൽ ഡാമിന്റെ പ്രവർത്തനം നിലയ്ക്കാറുണ്ട്. പിന്നീട് മാസങ്ങളെടുത്തു മണ്ണ് നീക്കം ചെയ്തതിനു ശേഷമാണ് വൈദ്യുതി ഉൽപ്പാദനം നടത്താൻ കഴിയുന്നത്. ഇതിന് കെ.എസ്.ഇ.ബി വലി​യ തുകയാണ് ചെലവാക്കുന്നത്. എന്നാൽ മണൽ വാരുന്നതി​ന് അനുമതി ലഭിച്ചാൽ പ്രശ്ന പരിഹാരത്തി​നാെപ്പം പഞ്ചായത്തിന് സാമ്പത്തിക നേട്ടവുമാകും.

തടയണയുടെ 500 മീറ്റർ താഴെയാണ് പെരുന്തേനരുവി ജലവിതരണ പദ്ധതിയുടെ പമ്പുഹൗസും കിണറുമുള്ളത്. നദിയിലൂടെ ഒലിച്ചിറങ്ങുന്ന ചെളിയും മണ്ണും പമ്പ് ഹൗസിലെ കിണറുകളിൽ എത്തുന്നത് പമ്പിംഗ് തടസപ്പെടാൻ കാരണമാകും. കോടികൾ വിലമതിക്കുന്ന മണ്ണ് ഡാമിൽ അടിഞ്ഞു കൂടിയിട്ടുണ്ട്.

ജോഷി, അത്തിക്കയം