തിരുവല്ല: ജില്ലയിലെ വിവിധ സ്പെഷ്യൽ സ്കൂളുകളിലെ ഭിന്നശേഷിക്കാരായ കുട്ടികളും അദ്ധ്യാപകരും രക്ഷിതാക്കളും പങ്കെടുത്ത ഒപ്പം - 2023 സ്നേഹസംഗമവും കലാപരിപാടികളും ഗോവ ഗവർണർ പി.എസ്. ശ്രീധരൻപിള്ള ഉദ്ഘാടനം ചെയ്തു. സമൂഹത്തിൽ ശാരീരികവും മാനസികവുമായി വെല്ലുവിളികൾ നേരിടുന്ന ഭിന്നശേഷി കുട്ടികൾക്കായി നടത്തുന്ന ഇത്തരം പരിപാടികൾ സമൂഹത്തിന് മാതൃകയാണെന്ന് അദ്ദേഹം പറഞ്ഞു. ഗീവർഗീസ് മാർ കൂറിലോസ് മെത്രാപ്പോലീത്ത അദ്ധ്യക്ഷത വഹിച്ചു. മാത്യൂ റ്റി.തോമസ് എം.എൽ.എ. അക്കീരമൺ കാളിദാസൻ ഭട്ടതിരി, ഇമാം കെ.ജെ.സലിം സഖാഫി, സബ് കളക്ടർ സഫ്ന നസിറുദ്ദീൻ, ഡോ.ഏബ്രഹാം കലമണ്ണിൽ, ഡോ.സി.വി.വടവന, ഡോ.സജി കുര്യൻ, എം.സലീം, ആർ.ജയകുമാർ, ഷാജി തിരുവല്ല, പി.എം.അനിർ, സാമുവൽ ചെറിയാൻ, മാത്യൂസ് ജേക്കബ്, സിസ്റ്റർ മെർസിലിറ്റ്, വിനോദ്, ഷിബു പുതുക്കേരിൽ, ബാബു കല്ലുങ്കൽ, ഇ.എ.ഏലിയാസ്‌, അബിൻ ബക്കർ,വർഗീസ് പരിയാരത്ത് എന്നിവർ പ്രസംഗിച്ചു. ക്രിസ്മസ്-പുതുവത്സര ഭീമൻ കേക്ക് കട്ടിങ്ങ് ഗവർണർ നിർവ്വഹിച്ചു.