ക്രിസ്മസുമായി ബന്ധപ്പെട്ട ഐതിഹാസിക വ്യക്തിയാണ് സെന്റ് നിക്കോളാസ് .മാനുകൾ വലിക്കുന്ന മഞ്ഞുവണ്ടിയിൽ മഞ്ഞോളം വെളുത്ത താടിയുമായി, ചുവന്ന കോട്ടും തൊപ്പിയും ധരിച്ച്കു ട്ടികൾക്കുള്ള സമ്മാനങ്ങളുടെ ഭാണ്ഡവുമായി വരുന്ന സാന്താക്ലോസ് ക്രിസ്മസിന്റെ മുഖചിത്രമാണ്. ക്രിസ്മസ് പപ്പാ എന്ന പേരിൽ അറിയപ്പെടുന്നു. ക്രിസ്മസ് ദിനത്തിൽ അർദ്ധരാത്രിയോട് അടുത്ത സമയത്തും നിക്കോളാസ് ദിനത്തിലും ഇദ്ദേഹം കുട്ടികൾക്ക് സമ്മാനങ്ങൾ നൽകുവാൻ എത്തും എന്നാണ് വിശ്വാസം.ആധുനിക സാന്താക്ലോസ് ചുവന്ന കോട്ടും വെളുത്ത കോളറും കഫും ചുവന്ന ട്രൗസറും കറുത്ത തുകൽ ബൽറ്റും ബൂട്ടും ധരിച്ച് തടിച്ച വെളുത്ത താടിയുള്ള സന്തോഷവാനായ വ്യക്തിയായാണ് ചിത്രീകരികരിക്ക പെടുന്നത്.

1930 ൽ കൊക്കക്കോള കമ്പനിയുടെ പരസ്യത്തിൽ സാന്താക്ലോസിന്റെ ചിത്രം ഉപയോഗിച്ചതോടെയാണ് ഇന്ന് കാണുന്ന പാപ്പായ്ക്ക് ഇത്രയധികം പ്രചാരം കിട്ടിയത്. നൂറ്റാണ്ടുകൾക്ക് മുൻപ് തുർക്കിയിലെ തുറമുഖമായ പത്താറയിലെ ലിസിയയിലാണ് അദ്ദേഹത്തിന്റെ ജനനം. പിന്നീടാണ് പാവപ്പെട്ടവർക്ക് വേണ്ടി ജീവിതം മാറ്റിവച്ച നിക്കോളാസ് കൈ നിറയെ സമ്മാനങ്ങളുമായി എത്തുന്ന പ്രിയപ്പെട്ട സാന്താക്ലോസായി മാറിയത് .അദ്ദേഹം സ്വയം വിശേഷിപ്പിക്കുന്നത് പാപിയായ നിക്കോളാസ് എന്നായിരുന്നു.19-ാം നൂറ്റാണ്ട് മുതൽ കാനഡയിലാണ് ഇന്നു നമ്മൾ കാണുന്നതുപോലെ വെള്ളത്താടിയും ചുവപ്പും വെള്ളയും വസ്ത്രങ്ങളുമണിഞ്ഞ സാന്താക്ലോസ് വീടുകളിലെത്തി ആശംസയും സമ്മാനവും നൽകാൻ തുടങ്ങിയതെന്ന് കരുതപ്പെടുന്നു.