തിരുവല്ല: എസ്.എൻ.ഡി.പി.യോഗം തിരുവല്ല യൂണിയന്റെ ആഭിമുഖ്യത്തിലുള്ള 12-ാമത് ശിവഗിരി തീർത്ഥാടന പദയാത്ര പുറപ്പെട്ടു. തിരുവല്ല യൂണിയൻ ഓഫീസ് അങ്കണത്തിൽ എം.ജി. യൂണിവേഴ്‌സിറ്റി മുൻ സിൻഡിക്കേറ്റ് അംഗം പ്രൊഫ. സതീഷ് കൊച്ചുപറമ്പിൽ ഉദ്ഘാടനം ചെയ്തു. പദയാത്രാ ക്യാപ്റ്റനും യൂണിയൻ പ്രസിഡന്റുമായ ബിജു ഇരവിപേരൂരിന് യോഗം ഇൻസ്‌പെക്ടിംഗ് ഓഫീസർ രവീന്ദ്രൻ എഴുമറ്റൂർ പീതപതാക കൈമാറി. യുണിയൻ സെക്രട്ടറി അനിൽ എസ്. ഉഴത്തിൽ അദ്ധ്യക്ഷത വഹിച്ചു. യൂണിയൻ കൗൺസിലർമാരായ രാജേഷ് മേപ്രാൽ, അനിൽ ചക്രപാണി, സരസൻ ഓതറ, മനോജ് ഗോപാൽ, പഞ്ചായത്ത് കമ്മിറ്റിയംഗങ്ങളായ കെ.കെ. രവി, കെ.എൻ. രവീന്ദ്രൻ, വനിതാസംഘം സെക്രട്ടറി മണിയമ്മ സോമശേഖരൻ, വൈദികയോഗം സെക്രട്ടറി സുജിത്ത് ശാന്തി എന്നിവർ പ്രസംഗിച്ചു. മാവേലിക്കര,കായംകുളം,കരുനാഗപ്പള്ളി,ചവറ, കൊല്ലം,ചാത്തന്നൂർ,വർക്കല യൂണിയനുകളുടെ സ്വീകരണം ഏറ്റുവാങ്ങി 30ന് ഉച്ചയോടെ ശിവഗിരി മഹാസമാധിയിൽ പദയാത്ര എത്തിച്ചേരും.