തിരുവല്ല: എസ്.എൻ.ഡി.പി.യോഗം 1498 -) നെടുമ്പ്രം ഈസ്റ്റ് ശാഖയുടെ ശ്രീനാരായണ ഗുരുദേവ ക്ഷേത്രത്തിലെ പ്രതിഷ്ഠാ വാർഷികവും ഉത്സവവും നാളെ മുതൽ നാലുവരെ നടക്കും. നാളെ രാവിലെ 6.30ന് ഗണപതിഹോമം, 7.30ന് ശാഖാ പ്രസിഡന്റ് സന്തോഷ് ചാപ്പുഴ കൊടിയേറ്റും. 8 മുതൽ ഗുരുദേവകൃതികളുടെ പാരായണം, തുടർന്ന് ഗുരു ഭാഗവത പാരായണം. വൈകിട്ട് 7.30ന് ദേവീപൂജ. രണ്ടിന് രാവിലെ മുതൽ ഗുരുദേവ സ്തുതികൾ തുടർന്ന് ഗുരു ഭാഗവത പാരായണം, വൈകിട്ട് ഏഴിന് ദേവീപൂജ, തുടർന്ന് നൃത്തനൃത്യങ്ങൾ. മൂന്നിന് രാവിലെ മുതൽ ഗുരു ഭാഗവത പാരായണം. ഉച്ചയ്ക്ക് ഒന്നിന് സമൂഹസദ്യ. വൈകിട്ട് ഏഴിന് ദേവീപൂജ, 7.30ന് ഭക്തിഗാനാമൃതം. നാലിന് രാവിലെ 6.30ന് ഗണപതിഹോമം, 12ന് സോപാന സംഗീതം ഒന്നിന് സമൂഹസദ്യ. വൈകിട്ട് ഏഴിന് ദേവീപൂജ, 7.30മുതൽ പൊടിയാടി ഗുരുദേവ ക്ഷേത്രത്തിൽ നിന്ന് താലപ്പൊലി വരവ്.