കൊല്ലം: കുട്ടികൾക്കെതിരെ ആകസ്മികമായി ഉണ്ടായിക്കൊണ്ടിരിക്കുന്ന അതിക്രമങ്ങൾ വർദ്ധിച്ചു വരുന്ന പശ്ചാതലത്തിൽ കൊല്ലം ലീഗൽ സർവീസ് അതോറിട്ടിയുടെ ആഭിമുഖ്യത്തിൽ ചവറ എം.എസ്.എൻ ഇൻസ്റ്റിറ്റ്യൂട്ട് ഒഫ് മാനേജ്‌മെന്റ് ആൻഡ് ടെക്നോളജിയിലെ എം.ബി.എ വിദ്യാർത്ഥികൾക്കായി ഇന്ത്യൻ ഭരണഘടനയുടെ മൗലീകാവകാശങ്ങളും കുട്ടികളുടെ അവകാശങ്ങളും എന്ന വിഷയത്തെ ആസ്പദമാക്കി നിയമ ബോധവത്കരണ ക്ലാസ് നടന്നു. മുൻ പബ്ലിക് പ്രോസിക്യൂട്ടറും ലീഗൽ സർവീസ് അതോറിട്ടി പാനൽ ലോയറുമായ അഡ്വ.വേണു ജെ.പിള്ള ചടങ്ങിൽ കുട്ടികൾക്കായുള്ള നിയമ ബോധവത്കരണ ക്ലാസ് നടത്തി. ചടങ്ങിൽ ഡോ.മധു അദ്ധ്യക്ഷനായി. പ്രൊഫ. ഗോപാലകൃഷ്ണ പിള്ള, ലീഗൽ സർവീസ് അതോറിട്ടി സെക്രട്ടറി ദയ, അഡ്വ.ശരണ്യ, അഡ്വ.അക്ഷരദേവൻ തുടങ്ങിയവർ സംസാരിച്ചു.