കൊട്ടാരക്കര: ലൈബ്രറി കൗൺസിൽ നെടുവത്തൂർ പഞ്ചായത്തുതല ബാലോത്സവം 9ന് നെടുവത്തൂർ ഗാലക്സി ലൈബ്രറിയിൽ നടക്കും. രാവിലെ 9.30ന് ഗ്രാമപഞ്ചായത്ത് പ്രസിഡന്റ് വി.കെ.ജ്യോതി ഉദ്ഘാടനം ചെയ്യും. നേതൃസമിതി കൺവീനർ കെ.കുമാരന്റെ അദ്ധ്യക്ഷതയിൽ ചേരുന്ന യോഗത്തിൽ ബ്ളോക്ക് പഞ്ചായത്തംഗം കെ.ഐ.ലതീഷ്, ലൈബ്രറി കൗൺസിൽ താലൂക്ക് വൈസ് പ്രസിഡന്റ് ബീന സജീവ്, കോട്ടാത്തല ശ്രീകുമാർ, ആനയം തുളസി, വിധു ബാബു, ഡി.രാജു, കെ.ശശികുമാർ, കിരൺ, കെ.ജി.വിമൽ എന്നിവർ സംസാരിക്കും. തുടർന്ന് കലാ-സാഹിത്യ മത്സരങ്ങൾ. കാവ്യാലാപനം, മോണോ ആക്ട്, ഉപന്യാസ രചന, ചിത്രീകരണം, കഥാരചന, പ്രസംഗം, ആസ്വാദനക്കുറിപ്പ്, ചലച്ചിത്ര ഗാനാലാപനം, കാർട്ടൂൺ രചന, കവിതാ രചന, ക്വിസ് മത്സരം എന്നിവ നടക്കും. വൈകിട്ട് 5ന് സമാപന സമ്മേളനം താലൂക്ക് ലൈബ്രറി കൗൺസിൽ സെക്രട്ടറി പി.കെ.ജോൺസൺ ഉദ്ഘാടനം ചെയ്യും. കൊട്ടാരക്കര ബ്ളോക്ക് പഞ്ചായത്ത് പ്രസിഡന്റ് എ.അഭിലാഷ് സമ്മാനദാനം നടത്തും. എസ്.നജീമിന്റെ അദ്ധ്യക്ഷതയിൽ ചേരുന്ന യോഗത്തിൽ പഞ്ചായത്ത് വൈസ് പ്രസിഡന്റ് ജലജ സുരേഷ്, ആർ.രാജീവൻ, എസ്.ത്യാഗരാജൻ, ദേവരാജൻ, ബിനു പാപ്പച്ചൻ, കെ.ജി.മണിലാൽ, മാധവൻ പിള്ള, എസ്.രാംകുമാർ, എസ്.മോഹനൻ എന്നിവർ സംസാരിക്കും.