കൊല്ലം:വിരോധം കാരണം അയൽവാസിയെയും സുഹൃത്തിനെയും മർദ്ദിച്ച കേസി​ൽ ശക്തികുളങ്ങര തുപ്പശ്ശേരി വീട്ടിൽ സ്റ്റാലിനെ (42) ശക്തികുളങ്ങര പൊലീസ് പിടികൂടി​. കഴിഞ്ഞ ഞായറാഴ്ച അഞ്ചാലുമൂട് പൊലീസ് സ്റ്റേഷനിൽ ഒരു കേസുമായി ബന്ധപ്പെട്ട് സ്റ്റാലിന് സമൻസ് നൽകാൻ എത്തിയ പൊലീസ് ഉദ്യോഗസ്ഥനെ സഹായിക്കാൻ അയൽവാസിയായ യേശുദാസനും സുഹൃത്തും സ്റ്റാലി​നെ വിളിച്ച് വരുത്തിയിരുന്നു. ഈ വിരോധത്തിൽ, വൈകി​ട്ട് 4.30ന് മുക്കാട് ഓട്ടോ സ്റ്റാൻഡി​ൽ നിന്ന യേശുദാസിനെയും സുഹൃത്തിനെയും അസഭ്യം വിളിക്കുകയും യേശുദാസിനെ ക്രൂരമായി മർദ്ദിക്കുകയുമായിരുന്നു. ഇയാൾക്കെതിരെ കൊലപാതക കേസ് നിലവിലുണ്ട്. ശക്തികുളങ്ങര പൊലീസ് ഇൻസ്‌പെക്ടർ അനൂപ്, എസ്.ഐ ആശ, പ്രദീപ്, എസ്.സി.പി.ഒ അബു താഹിർ, ബിജു, സി.പി.ഒ അനിൽകുമാർ, രാഹുൽ എന്നിവരടങ്ങിയ സംഘമാണ് പ്രതിയെ പിടികൂടിയത്.