കൊല്ലം: മെഡി​സെ​പ്പിൽ അംഗ​ങ്ങ​ളായവരിൽ മദ്യവും സിഗ​ററ്റും ഉപ​യോ​ഗി​ക്കു​ന്ന​വർക്ക് ചികിത്സ പരി​രക്ഷ നിഷേ​ധി​ക്കുന്ന ഓറി​യന്റൽ ഇൻഷ്വ​റൻസിന്റെ നട​പടി പ്രതി​ഷേ​ധാർഹ​മാ​ണെന്ന് ജില്ലാ സീനി​യർ സിറ്റി​സൺസ് സർവീസ് കൗൺസിൽ അഭി​പ്രായപ്പെട്ടു. മദ്യ​പിച്ചു വാഹ​ന​മോ​ടി​ക്കു​ന്ന​വർക്കും പുക​വ​ലി​ക്കാർക്കും മറ്റു കുറ്റ​കൃ​ത്യ​ങ്ങ​ളി​ൽ ഏർപ്പെ​ടു​ന്ന​വർക്കു​മെ​തിരെ നട​പടിയെടു​ക്കാൻ പൊലീസും നിയ​മ​സം​വി​ധാ​ന​ങ്ങളുമുണ്ട്. ഇക്കാ​ര്യങ്ങ​ളിൽ ഇട​പെ​ടാൻ മെഡി​സെ​പ്പിന്റെ കരാർ ഏറ്റെ​ടുത്ത ഇൻഷ്വ​റൻസ് കമ്പ​നിക്ക് അധി​കാരമി​ല്ല.
മദ്യപാ​നമോ തുടർച്ച​യായ പുക​വ​ലിയോ ഉള്ള​വർക്ക് മെഡി​സെപ്പ് പരി​രക്ഷ നൽകി​ല്ലെന്ന് ഇൻഷ്വറൻസ് കമ്പനി പറഞ്ഞി​ട്ടി​ല്ല. ഉണ്ടെങ്കിൽ ഇക്കാ​ര്യം അറി​യി​ക്കാതെ പെൻഷൻകാ​രെയും സർക്കാർ ജീവനക്കാരെയും മെഡി​സെ​പ്പിൽ ചേർത്തതും അവ​രിൽ നിന്ന് എല്ലാ മാസവും കൃത്യ​മായി അഞ്ഞൂ​റു​രൂപ വീതം പിടി​ച്ചെ​ടു​ക്കു​ന്നതും കൊടിയ വഞ്ച​ന​യാണ്. പദ്ധ​തി​യിൽ തുട​രാൻ താത്പര്യമി​ല്ലാത്ത ജീവ​ന​ക്കാ​രെയും പെൻഷൻകാ​രെയും പിൻമാ​റാൻ അനു​വ​ദി​ക്ക​ണ​മെന്ന് കൊല്ലം ജില്ലാ സീനി​യർ സിറ്റി​സൺസ് സർവീസ് കൗൺസിൽ സർക്കാ​രി​നോട് ആവ​ശ്യ​പ്പെ​ട്ടു. സംസ്ഥാന വർക്കിംഗ് പ്രസി​ഡന്റ് കെ.​എൻ.കെ. നമ്പൂ​തിരി ഉദ്ഘാ​ടനം ചെയ്തു. ജില്ലാ പ്രസി​ഡന്റ് ഡോ.​വെ​ള്ളി​മൺ നെൽസൺ​ അദ്ധ്യ​ക്ഷ​ത​ വഹി​ച്ചു. സംസ്ഥാന സെക്ര​ട്ടറി കെ.​എ​സ്.​സു​രേ​ഷ്‌കു​മാർ, കൗൺസിൽ അംഗ​ങ്ങ​ളായ എ..രാധാ​കൃ​ഷ്ണൻ, പ്രൊഫ.​ജി.​വാ​സു​ദേ​വൻ, കെ.​സി. ഭാനു, ജില്ലാ സെക്ര​ട്ട​റി ഡി.​രാ​മ​ച​ന്ദ്രൻപി​ള്ള, വൈസ് പ്രസി​ഡന്റ് നീലേ​ശ്വരം സദാ​ശി​വൻ, ജോയിന്റ് സെക്ര​ട്ട​റി​മാ​രായ കെ.പി. ശങ്ക​രൻകുട്ടി, പി.​എസ്. ശശി​ധ​രൻപി​ള്ള, എം.​ക​രു​ണാ​ക​രൻ എന്നി​വർ സംസാരി​ച്ചു.