കൊട്ടാരക്കര: വെണ്ടാർ ശ്രീവിദ്യാധിരാജ മോഡൽ ഇൻസ്റ്റിറ്റ്യൂട്ട് ഒഫ് ടീച്ചർ എഡ്യുക്കേഷനിലെ ഡി.എൽ.എഡ് വിദ്യാർത്ഥികളുടെ നേതൃത്വത്തിൽ ഇന്ന് എസ്.വി.എം അസിയോണയർ ഫെസ്റ്റ് സംഘടിപ്പിക്കും. ഫുഡ് ഫെസ്റ്റ്, ഡിജിറ്റൽ, ലാംഗ്വേജ്, സയൻസ്-സോഷ്യൽ, ആർട്ട് വർക്ക്, മാത്സ് ഫെസ്റ്റുകളും ഫ്ളവർ ഷോയും ഫൺ ഏരിയയും അടങ്ങുന്നതാണ് ഫെസ്റ്റ്. രാവിലെ 10ന് സദാനന്ദപുരം എഫ്.എസ്.ആർ.എസ് ഹെഡ് ഡോ.എം.ആർ.ബിന്ദു ഉദ്ഘാടനം ചെയ്യും. പ്രിൻസിപ്പൽ സി.വി.ശ്രീജ അദ്ധ്യക്ഷയാകും. മാനേജർ ഗൗതം കൃഷ്ണ, ജില്ലാ പഞ്ചായത്തംഗം ആ‌ർ.രശ്മി, ഗ്രാമപഞ്ചായത്ത് പ്രസിഡന്റ് സജി കടുക്കാല, വാർഡ് മെമ്പർ ജെ.ജയകുമാർ, കെ.ബി.ലക്ഷ്മീ കൃഷ്ണ, റാണികൃഷ്ണ, ടി.രാജേഷ്, കോട്ടാത്തല ശ്രീകുമാർ, എ.ഹരികൃഷ്ണൻ, ഡോ.പി.ലാലാമണി, സിന്ധു, ശ്രീജ, സുമംഗല, ആശ, എം.അഞ്ജലി, ലക്ഷ്മി വിജയൻ എന്നിവർ സംസാരിക്കും.