കൊല്ലം: നെടുമ്പന പള്ളിമൺ പൂങ്കോട്ട് കിഴക്കതിൽ വീട്ടിൽ തങ്കമണിയെ (69) കൊല്ലം നെടുമ്പന നവജീവൻ അഭയകേന്ദ്രം ഏറ്റെടുത്തു. വർഷങ്ങളായി പള്ളിമണിൽ താമസിച്ചിരുന്ന തങ്കമണിയുടെ ഭർത്താവ് നാളുകൾക്ക് മുമ്പ് മരണമടഞ്ഞി​രുന്നു. മാനസികാസ്വസ്ഥ്യതയുള്ള മകനോടൊപ്പം താമസിക്കവേ, മകന്റെ പെരുമാറ്റങ്ങളിൽ ബുദ്ധിമുട്ടിലായ തങ്കമണി കണ്ണനല്ലൂർ പൊലീസ് സ്റ്റേഷനിൽ അഭയം പ്രാപിക്കുകയായിരുന്നു.കണ്ണനല്ലൂർ സർക്കിൾ ഇൻസ്പെക്ടർ ജയകുമാർ ആവശ്യപ്പെട്ടതനുസരിച്ച് നവജീവൻ അഭയകേന്ദ്രം ഭാരവാഹികൾ തങ്കമണി​യെ ഏറ്റെടുക്കുകയായിരുന്നു. പള്ളിമൺ വാർഡ് മെമ്പർ ശോഭനകുമാരി, നവജീവൻ അഭയകേന്ദ്രം പബ്ലിക് റിലേഷൻസ് ഓഫീസർ അനീസ് റഹ്മാൻ, സബ് ഇൻസ്പെക്ടർമാരായ സന്തോഷ് കുമാർ, ഹരിസോമൻ പൊതു പ്രവർത്തകരായ സീന കുളപ്പാടം, നഹാസ് തുടങ്ങിയവർ പങ്കെടുത്തു.