കൊല്ലം: ട്രെയിൻ ടൈം ടേബിളിൽ വന്ന മാറ്റം യാത്രക്കാരെ ദോഷകരമായി ബാധിക്കുന്നുവെന്ന് സതേൺ റെയിൽവേ പാസഞ്ചേഴ്‌സ് അസോസിയേഷൻ പ്രസിഡന്റ് സജീവ് പരിശവിള പറഞ്ഞു. സമയമാറ്റത്തിനെതിരെ യാത്രക്കാർ സംഘടിപ്പിച്ച പ്രതിഷേധ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം. പല ട്രെയിനുകളും പിടിച്ചിടുന്നത് പതിവായി. കന്യാകുമാരി ജയന്തി ജനത എക്‌സ്‌പ്രസിന്റെ സമയമാറ്റമാണ് എല്ലാം തകരാറിലാക്കിയതെന്നും അദ്ദേഹം പറഞ്ഞു. ഷിജു ഇബ്രാഹിം അദ്ധ്യക്ഷനായി. അഷ്റഫ്, പ്രജീഷ് രാമകൃഷ്ണൻ, നിഷാദ് എന്നിവർ സംസാരിച്ചു. ട്രെയിനുകൾ സമയം പാലിച്ചു മുൻഗണന ക്രമത്തിൽ കടത്തിവിടണമെന്നു കൂട്ടായ്മ ആവശ്വപ്പെട്ടു. അതിന് കഴിയുന്ന തരത്തിൽ സമയം ക്രമീകരിക്കണമെന്നും കോട്ടയത്തു നിന്നു കൊല്ലത്തേക്ക് വരുന്ന പാസഞ്ചർ ട്രെയിനിന് കണക്ഷനായി പുനലൂരിൽ നിന്ന് നാഗർകോവിലിലേക്കുള്ള ട്രെയിൻ സമയം ക്രമീകരിച്ചാൽ യാത്ര വളരെ സൗകര്യപ്രദമാകുമെന്നും പാസഞ്ചർ ട്രെയിനുകളിൽ ജനറൽ കമ്പാർട്‌മെന്റുകൾ വർദ്ധിപ്പിക്കണമെന്നും കൂട്ടായ്മ ആവശ്യപ്പെട്ടു.