കൊല്ലം: ജില്ലാ പഞ്ചായത്ത് വാർഷിക പദ്ധതിയിൽ ഉൾപ്പെടുത്തി വിക്ടോറിയ ആശുപത്രിയിൽ 'അമ്മയ്ക്കായ്' പദ്ധതി ആരംഭിക്കുന്നു. പ്രസവത്തിനെത്തുന്ന സ്ത്രീകൾക്ക് എ.പി.എൽ - ബി.പി.എൽ വ്യത്യാസമില്ലാതെ ബെഡ്ഷീറ്റ്, വെള്ള മുണ്ട്, വെള്ള ഉടുപ്പ്, കൈലി മുണ്ട്, നൈറ്റി, സാനിറ്ററി പാഡുകൾ, തോർത്ത്, ബേബി ഉടുപ്പ്, ബേബി ടൗവ്വൽ, ബേബി വൈപ്പ് തുടങ്ങി അമ്മയ്ക്കും കുഞ്ഞിനും ആവശ്യമായ 14 ഇനം സാധനങ്ങൾ അടങ്ങിയ കിറ്റ് സൗജന്യമായി നൽകുന്ന പദ്ധതിയാണിത്.
ഉദ്ഘാടനം ജില്ലാ പഞ്ചായത്ത് പ്രസിഡന്റ് പി.കെ.ഗോപൻ 12ന് ഉച്ചയ്ക്ക് 2ന് ആശുപത്രി അങ്കണത്തിൽ നിർവഹിക്കും. വൈസ് പ്രസിഡന്റ് ശ്രീജ ഹരീഷ് അദ്ധ്യക്ഷയാകും. ചടങ്ങിൽ ഡി.എം.ഒ ഡോ. വസന്തദാസ് മുഖ്യ പ്രഭാഷണം നടത്തും.

നിലവിൽ വിവിധ പദ്ധതികൾ പ്രകാരം പ്രസവത്തിന് ശേഷമുള്ള വീട്ടിലേക്കുള്ള മടക്ക യാത്ര(മാതൃയാനം )ഉൾപ്പടെ സൗജന്യമായി ആണ് നൽകുന്നത്.