കൊല്ലം: കേന്ദ്ര ഗവൺമെന്റിന്റെ വികസന പദ്ധതികൾ ജനങ്ങളിലെത്തിക്കുക എന്ന ലക്ഷ്യത്തോടെ നടപ്പാക്കുന്ന വികസിത് ഭാരത് സങ്കല്പ് യാത്ര കഴിഞ്ഞ ദിവസം പത്തനാപുരം പഞ്ചായത്തിലെത്തിൽ പര്യടനം നടത്തി. സങ്കല്പ് യാത്രയോടനുബന്ധിച്ച് നടന്ന ജനസമ്പർക്ക ബോധവത്കരണ പരിപാടി പത്തനാപുരം പഞ്ചായത്ത് പ്രസിഡന്റ് എസ്. തുളസി ഉദ്ഘാടനം ചെയ്തു. കേന്ദ്ര ഗവൺമെന്റിന്റെ പദ്ധതികളെക്കുറിച്ച് അവബോധം നൽകുന്ന 'ജാനു' വീഡിയോകൾ പ്രദർശിപ്പിച്ചു. യൂണിയൻ ബാങ്ക് ഒഫ് ഇന്ത്യ പ്രതിനിധി മനു വികസിത് ഭാരത് സങ്കല്പ് പ്രതിജ്ഞ ചൊല്ലിക്കൊടുത്തു. ബി.എൽ.ബി.സി. കൺവീനർ ശരവണൻ, ഫിനാൻഷ്യൽ ലിറ്ററസി കൗൺസിലർ എന്നിവർ ബാങ്കിംഗ് സേവനങ്ങൾ പരിചയപ്പെടുത്തി. കൃഷിവിജ്ഞാനകേന്ദ്രം, എഫ്.എ. സി.ടി, ആത്മ, തപാൽവകുപ്പ്, ഫാർമർ പ്രൊഡ്യൂസർ കമ്പനി എന്നിവയുടെ പ്രതിനിധികൾ വിവിധ സ്‌കീമുകൾ പരിചയപ്പെടുത്തി. പ്രധാൻ മന്ത്രി ഉജ്വല യോജനയിൽ പുതുതായി ഗുണഭോക്താക്കളായ 5 വീട്ടമ്മമാർക്ക് സൗജന്യ പാചകവാതക കണക്ഷൻ നൽകി. മെമ്പർമാരായ സലൂജ ദിലീപ്, ഫാറൂഖ് മുഹമ്മദ്, പഞ്ചായത്ത് സെക്രട്ടറി പ്രശാന്ത്, ജില്ലാ ലീഡ് ബാങ്ക് മാനേജർ വി.ടി. അരുണിമ , യൂണിയൻ ബാങ്ക് ഒഫ് ഇന്ത്യ പത്തനാപുരം ബ്രാഞ്ച് മാനേജർ ഹാരിസ് ബി.എം. എന്നിവർ പങ്കെടുത്തു.