കൊല്ലം: ജാതിയുടെയും മതത്തിന്റെയും പേരിൽ മനുഷ്യൻ കലഹിക്കുന്ന ഈ കാലഘട്ടത്തിൽ സ്വാമി വിവേകാനന്ദന്റെ ദർശനങ്ങൾക്കും ഉദ്ബോധനങ്ങൾക്കും പ്രസക്തിയേറിയെന്ന് മുൻ പ്രതിപക്ഷ നേതാവ് രമേശ് ചെന്നിത്തല പറഞ്ഞു.

വിവേകാനന്ദ സാംസ്കാരിക വേദിയുടെ പതിനെട്ടാമത് പുരസ്കാരദാനം കൊല്ലം പ്രസ് ക്ലബിൽ ഉദ്ഘാടനം ചെയ്യുകയായിരുന്നു അദ്ദേഹം. വിവേകാനന്ദ പുരസ്കാരം കുളത്തൂർ രവിക്കും സഹകാരി പുരസ്കാരം കെ.രാധാകൃഷ്ണൻ നായർക്കും ജ്യോതിഷ രത്ന പുരസ്കാരം ശശിധരൻ പിള്ളയ്ക്കും മികച്ച സ്കൂളിനുള്ള പുരസ്കാരം മയ്യനാട് കെ.പി.എ മോഡൽ സ്കൂൾ പ്രിൻസിപ്പൽ ശ്രീരേഖ പ്രസാദിനും രമേശ് ചെന്നിത്തല സമ്മാനിച്ചു. ചടങ്ങിൽ മങ്ങാട് സുബിൻ നാരായൺ അദ്ധ്യക്ഷനായി. ആർ.പ്രകാശൻപിള്ള ഈച്ചം വീട്ടിൽ, നയാസ് മുഹമ്മദ് പുന്തലത്താഴം,

ചന്ദ്രബോസ്, എസ്.വെങ്കിട്ടരമണൻ പോറ്റി, വേദി പ്രസിഡന്റ് ശശി തറയിൽ, എൻ.സി.രാജു എന്നിവർ സംസാരിച്ചു. മികച്ച വിദ്യാർത്ഥികളെയും ചടങ്ങിൽ ആദരിച്ചു.