ചാത്തന്നൂർ: നവകേരള സദസിനായി 50,000 രൂപ നൽകുന്നതിനെ ചൊല്ലിയുള്ള തർക്കത്തെത്തുടർന്ന് ചാത്തന്നൂർ പഞ്ചായത്ത് കമ്മി​റ്റി​യി​ൽ ഭരണ, പ്രതി​പക്ഷ അംഗങ്ങൾ ചേരി​തി​രി​ഞ്ഞു. തുടർന്ന് പ്രതി​പക്ഷം നടുത്തളത്തി​ൽ ഇറങ്ങി​ കമ്മി​റ്റി​ തടസപ്പെടുത്തി​. ഇതോടെ അജണ്ട മാറ്റി​വച്ചു.

കഴി​ഞ്ഞ ദി​വസത്തെ അജണ്ടയി​ൽ കൊണ്ടുവന്ന വി​ഷയം ഇന്നലെ നടന്ന കമ്മിറ്റിയിൽ അവസാനത്തെ അജണ്ടയായി വീണ്ടും രേഖപ്പെടുത്തി​യതാണ് പ്രതിപക്ഷത്തെ ചൊടി​പ്പി​ച്ചത്. പഞ്ചായത്ത്‌ ഹാൾ ഉപരോധിച്ചു കൊണ്ട് പ്രതിഷേധം ശക്തമാക്കിയതോടെ അജണ്ട കമ്മി​റ്റിയിൽ ചർച്ചയ്ക്ക് എടുക്കാതെ മാറ്റി വയ്ക്കുകയായിരുന്നു. ബി.ജെ.പി പാർലമെന്ററി പാർട്ടി ലീഡർ ആർ. സന്തോഷ്‌, കോൺഗ്രസ്‌ പാർലമെന്ററി​ പാർട്ടി ലീഡർ ഇക്ബാൽ, ഗ്രാമപഞ്ചായത്ത്‌ അംഗങ്ങളായ പ്രമോദ്, ഷൈനി ജോയ്, ലീലാമ്മ ചാക്കോ, ഇന്ദിര, ബീനരാജൻ, ശരത്ചന്ദ്രൻ, മീരഉണ്ണി എന്നിവർ ഉപരോധ സമരത്തിൽ പങ്കെടുത്തു.