കൊല്ലം: കൊല്ലം പ്രവാസി അസോസിയേഷന്റെ മനാമ ഏരിയ പ്രവർത്തക കൺവെൻഷനും മെഡിക്കൽ സെമിനാറും കെ.പി.എ പ്രസിഡന്റ് നിസാർ കൊല്ലം ഉദ്ഘാടനം ചെയ്തു. ഏരിയ പ്രസിഡന്റ് ഷമീർ സലിം അദ്ധ്യക്ഷനായി.സാമൂഹ്യ പ്രവർത്തകരായ ബഷീർ അമ്പലായി, അൻവർ നിലമ്പൂർ, നജീബ് കടലായി എന്നിവർ വിശിഷ്ടാത്ഥികളായി. കൺവെൻഷനിൽ അംഗങ്ങളുടെ കുട്ടികൾ അവതരിപ്പിച്ച കലാ പരിപാടികൾ അരങ്ങേറി. തുടർന്ന് അൽ റബി മെഡിക്കൽ സെന്റർ ഇ.എൻ.ടി സ്പെഷ്യലിസ്റ്റ് ഡോ.ബിജി റോസിന്റെ നേതൃത്വത്തിൽ മെഡിക്കൽ അവേർനെസ് സെമിനാർ നടന്നു. കെ.പി.എ ജനറൽ സെക്രട്ടറി ജഗത് കൃഷ്ണകുമാർ, ട്രഷറർ രാജ് കൃഷ്ണൻ, മനാമ ഏരിയ കോഓർഡിനേറ്റർ നവാസ് കുണ്ടറ, അൽ റബി മെഡിക്കൽ സെന്റർ പ്രതിനിധികളായ സഹൽ, അസ്‌കർ എന്നിവർ സംസാരിച്ചു. കെ.പി.എ വൈസ് പ്രസിഡന്റ് കിഷോർ കുമാർ, സെക്രട്ടറിമാരായ സന്തോഷ് കാവനാട്, അനോജ് മാസ്റ്റർ, അസി. ട്രഷറർ ബിനു കുണ്ടറ, സുമി ഷമീർ എന്നിവർ പങ്കെടുത്തു. ഏരിയ ട്രഷറർ അഹദ് സ്വാഗതവും ഏരിയ ജോ.സെക്രട്ടറി നജീബ് നന്ദിയും പറഞ്ഞു.