കൊട്ടാരക്കര: കാെട്ടാരക്കര ഫിലിം സൊസൈറ്റിയുടെ നേതൃത്വത്തിൽ ജനുവരി 12 മുതൽ 14വരെ കൊട്ടാരക്കരയിൽ സംഘടിപ്പിക്കുന്ന ഷോർട് ഫിലിം-ഡോക്യുമെന്ററി ഫെസ്റ്റിന്റെ ഭാഗമായി ജനുവരി 3ന് ചലച്ചിത്ര ക്ളാസ് സംഘടിപ്പിക്കും. രാവിലെ 10ന് വെണ്ടാർ ശ്രീവിദ്യാധിരാജ ബി.എഡ് കോളേജ് ഓഡിറ്റോറിയത്തിൽ ചലച്ചിത്ര സംവിധായകൻ ഡോ.ബിജു 'സിനിമയുടെ രാഷ്ട്രീയ സാമൂഹ്യ പരിവർത്തനങ്ങൾ' എന്ന വിഷയത്തിൽ ക്ളാസ് നയിക്കും. ശ്രീവിദ്യാധിരാജ വിദ്യാഭ്യാസ സ്ഥാപനങ്ങളുടെ മാനേജർ ഗൗതം കൃഷ്ണ അദ്ധ്യക്ഷനാകും. ചലച്ചിത്ര നിർമ്മാതാവ് കെ.അനിൽകുമാർ അമ്പലക്കര ഉദ്ഘാടനം ചെയ്യും. കൊട്ടാരക്കര നഗരസഭ ചെയർമാൻ എസ്.ആർ.രമേശ് മുഖ്യ അതിഥിയാകും. ഫെസ്റ്റിവൽ ഡയറക്ടർ പല്ലിശേരി, ബി.എഡ് കോളേജ് പ്രിൻസിപ്പൽ ഡോ.പി.ലാലാമണി, സി.മുരളീധരൻ പിള്ള, കോട്ടാത്തല ശ്രീകുമാർ എന്നിവർ സംസാരിക്കും. കുളക്കട ഗ്രാമപഞ്ചായത്തംഗം അഖില മോഹനന്റെ ആരംഭഗാനത്തോടെയാണ് ചടങ്ങുകൾ തുടങ്ങുന്നത്.