കൊല്ലം: സാഹിത്യ വിമർശനത്തിലും അദ്ധ്യയനത്തിലും കെടാത്ത ജ്വാലയാണ് കെ.പി.അപ്പനെന്ന് സി.പി.എം പി.ബി.അംഗം എം.എ ബേബി പറഞ്ഞു. നീരാവിൽ നവോദയം ഗ്രന്ഥശാലയിൽ സാഹിത്യ വിമർശകൻ കെ.പി.അപ്പന്റെ 15-ാമത് ചരമ വാർഷിക ദിനാചരണ ഭാഗമായുള്ള സ്‌മൃതി സംഗമം ഉദ്‌ഘാടനം ചെയ്യുകയായിരുന്നു അദ്ദേഹം..

ഗ്രന്ഥശാല പ്രസിഡന്റ് ബേബി ഭാസ്കർ അദ്ധ്യക്ഷനായി​. ഡി.സി ബുക്സിന്റെ അപ്പൻ സമ്പൂർണ കൃതികൾ കഥാകൃത്ത് വി.ആർ.സുധീഷിന് നൽകി എം.എ ബേബി പ്രകാശനം നിർവഹിച്ചു. ഡോ.പി.കെ.രാജശേഖരൻ, ഡോ.എസ്.ശ്രീനിവാസൻ, പ്രൊഫ.ലൈല പുരുഷോത്തമൻ, ഡോ.എം.എസ്. നൗഫൽ, ഡോ.എസ്.നസീബ്, കെ.പി.നന്ദകുമാർ, ഡോ.നൗഷാദ്, എന്നിവർ സംസാരിച്ചു. ഡോ.പ്രസന്ന രാജൻ, സിസ്റ്റർ സി​.ജെ. വിൻസി എന്നിവരെ ആദരിച്ചു. ഗ്രന്ഥശാല സെക്രട്ടറി എസ്.നാസർ സ്വാഗതവും വി.ബിജു നന്ദിയും പറഞ്ഞു. ഗ്രന്ഥശാലയിൽ കെ.പി.അപ്പൻ കൃതികളുടെ പ്രദർശനം പത്നി പ്രൊഫ.എ.ഓമന ഉദ്‌ഘാടനം ചെയ്തു.