കടയ്ക്കൽ: എസ്.എൻ.ഡി.പി യോഗം കടയ്ക്കൽ യൂണിയന്റെ നേതൃത്വത്തിൽ നടത്തുന്ന 10-ാമത് ശിവഗിരി ​ഗുരുകുലം തീർത്ഥാടന പദയാത്ര വിജയിപ്പിക്കാൻ സ്വാഗതസംഘം കമ്മിറ്റി രൂപീകരിച്ചു. 29ന് ഉച്ചക്ക് 2.30ന് വളവ് പച്ച ഗുരുമന്ദിരത്തിൽ നിന്ന് ആരംഭിക്കുന്ന പദയാത്ര 30 വൈകിട്ട് 6ന് ശിവഗിരിയിൽ സമാപിക്കും. പദയാത്ര ക്യാപ്ടനായി യൂണിയൻ പ്രസിഡന്റും​ സെക്രട്ടറി ഇൻ ചാർജുമായ ഡി.ചന്ദ്രബോസിനെ തിരഞ്ഞെടുത്തു.

സ്വാഗതസംഘം ഭാരവാഹികളായി യോഗം കൗൺസിലർ പച്ചയിൽ സന്ദീപ്, വയലാ ശാഖ പ്രസിഡന്റ്​

കെ.ശ്രീധരൻ വയലാ (രക്ഷധികാരികൾ), യൂണിയൻ കൗൺസിലർ പങ്ങലുകാട് ശശിധരൻ (ചെയർമാൻ), യൂണിയൻ വൈസ് പ്രസിഡന്റ്​ കെ.പ്രേം രാജ് (ജനറൽ കൺവീനർ), ജി.നളിനാക്ഷൻ( ഫിനാൻസ് കമ്മിറ്റി ചെയർമാൻ), എസ്.രാജൻ, സുദേവൻ ആറ്റുപുറം, റീസൻ, ​വി. പ്രകാശ്, ബി.ബിജു, പ്രസാദ് വയല (കൺവീനർമാർ), മുരളി പുല്ലുപണ(പ്രതിമ വാഹനം നിയന്ത്രണം ​ചെയർമാൻ), ​ എം.കെ.വിജയമ്മ(പബ്ലിസിറ്റി കമ്മിറ്റി ചെയർമാൻ), എസ്.വിജയൻ (ഫുഡ്​ കമ്മിറ്റി ചെയർമാൻ ), ​പി. അനിൽകുമാർ (വാഹനം മൈക് കമ്മിറ്റി ചെയർമാൻ), വി. അമ്പിളിദാസൻ (പദയാത്ര നിയന്ത്രണം കമ്മിറ്റി ചെയർമാൻ ​) എന്നിവരെ തിരഞ്ഞെടുത്തു. ദീക്ഷക്കെട്ട് 21 ന് 4ന് ആൽത്തറമൂട് ശാഖ ഗുരു ക്ഷേത്രത്തിൽ നടത്തുവാൻ തീരുമാനിച്ചു.