കൊല്ലം: പുൽക്കൂടും നക്ഷത്രങ്ങളും കേക്കുകളുമൊക്കെയായി​ ജി​ല്ലയി​ലെ ക്രി​സ്മസ് വി​പണി​ സജീവമായി​. വഴിയോരങ്ങളിലും ക്രിസ്ത്യൻ ദേവാലയങ്ങളിലും ദീപാലങ്കാരങ്ങൾ നിറഞ്ഞു.

നക്ഷത്രങ്ങളാണ് ക്രിസ്മസ് വിപണിയിലെ പ്രധാന ആകർഷണം. 30 രൂപയിൽ തുടങ്ങുന്ന പേപ്പർ നക്ഷത്രങ്ങളും 100-150 രൂപയി​ൽ തുടങ്ങുന്ന എൽ.ഇ.‌ഡി നക്ഷത്രങ്ങളും വിപണിയിൽ ലഭ്യമാണ്. എൽ.ഇ.ഡി നക്ഷത്രങ്ങളിൽ ബൾബുകളുടെ എണ്ണം കൂടുന്നതിനനുസരിച്ച് വിലയും കൂടും.

പേപ്പർ നക്ഷത്രങ്ങളേക്കാൾ എൽ.ഇ.ഡി നക്ഷത്രങ്ങൾക്കാണ് ആവശ്യക്കാരേറെ. 160, 200 മുതലാണ് പുൽക്കൂടിന്റെ വില. പൂൽക്കുട്ടിൽ വയ്ക്കുന്ന ഉണ്ണിയേശുവിന്റെ സെറ്റിന് വില 150 ൽ ആരംഭിക്കും. ഏറ്റവും കൂടുതൽ വിറ്റുപോകുന്ന മറ്റൊന്ന് ക്രിസ്മസ് ട്രീയാണ്. 150 മുതൽ 4000 രൂപ വരെയുള്ള ക്രിസ്മസ് ട്രീകൾ ലഭ്യമാണ്. പുല്ലിന്റെ അളവും പൊക്കവുമാണ് വിലയിലെ ഘടകം. ക്രിസ്മസ് അപ്പൂപ്പന്റെ വസ്ത്രത്തിന്റെ വില 200-300 രൂപയിൽ ആരംഭിക്കും. 10 രൂപ മുതൽ വിലയുള്ള ക്രിസ്മസ് തൊപ്പികളും ലഭ്യമാണ്.

മധുരം പകരാൻ കേക്കുകൾ

 കേക്കുകളുടെ വൈവിദ്ധ്യമാണ് മറ്റൊരു ആകർഷണം

 പ്ളം കേക്കുകളാണ് കൂടുതൽ വിറ്റുപോകുന്നത്

 നോർമൽ, പ്രീമിയം, റിച്ച് പ്ളം കേക്കുകളാണ് വിപണിയിലുള്ളത്

 വാനില, ഐസിംഗ്, ചോക്ളേറ്റ് ട്രഫൾ, വാൻചോ, ബട്ടർസ്കോച്ച്, റെഡ് ബീ, വിവിധ പഴങ്ങൾ ചേർന്നത്, മിൽകി ബട്ടർ സ്കോച്ച്, കാരമൽ ബട്ടർ സ്കോച്ച്, നട്ടി ബട്ടർ സ്കോച്ച്, മുട്ട ചേരാത്ത എഗ് ഫ്രീ കേക്കുകളും ലഭ്യം

 ബട്ടർ, ഗീ, വില അൽപ്പം കൂടിയ ചീസ് കേക്കുകളും ലഭിക്കും

പ്ളം കേക്ക്

നോർമൽ ₹ 325

പ്രീമിയം ₹ 375

റിച്ച് ₹ 425

ക്രിസ്മസിന് മുമ്പുള്ള അവസാന ആഴ്ച കച്ചവടം പ്രതീക്ഷിച്ചതിലും കുറവായിരുന്നു. എങ്കിലും വിദ്യാർത്ഥികൾക്ക് അവധി തുടങ്ങുന്നതോടെ കച്ചവടം വർദ്ധിക്കുമെന്നാണ് പ്രതീക്ഷ.

കച്ചവടക്കാർ