കൊല്ലം: കെ.എം.എം.എല്ലി​ന് എതിരെ പ്രചരിക്കുന്ന വാർ​ത്തകൾ വ​സ്​തുതാ​വി​രു​ദ്ധവും ഏ​റ്റ​വും മി​ക​വോ​ടെ മു​ന്നേ​റു​ന്ന പൊ​തു​മേ​ഖ​ലാ സ്ഥാ​പ​ന​ത്തെ ത​കർ​ക്കാ​നു​ള്ള ഗൂ​ഢ​ശ്ര​മ​ത്തി​ന്റെ ഭാ​ഗ​മാണെന്നും കെ.എം.എം.എൽ മാ​നേ​ജിം​ഗ് ഡ​യ​റ​ക്ടർ ജെ.ച​ന്ദ്ര​ബോ​സ് അ​റി​യി​ച്ചു.

ടൈ​റ്റാ​നി​യം ഡ​യോ​ക്‌​സൈ​ഡ് വി​പ​ണി​യിൽ ചൈ​ന​യിൽ നി​ന്നു​ള്ള വ​ലി​യ ക​ട​ന്നു​ക​യ​റ്റം ലോ​ക വി​പ​ണി​യെ ബാ​ധി​ച്ചി​ട്ടു​ണ്ട്. ഇ​ത് മ​റി​ക​ട​ക്കാൻ വ്യ​ക്ത​മാ​യ പ​ദ്ധ​തി​കൾ ത​യ്യാ​റാ​ക്കി​യാ​ണ് കെ.എം.എം.എൽ മു​ന്നോ​ട്ട് പോ​കു​ന്ന​ത്.

ഈ മാ​സം ഇ​തു​വ​രെ 1500 ട​ണ്ണി​ന് മു​ക​ളിലാണ് വി​പ​ണ​നം. 3000 ടൺ വിൽപ്പ​ന​യാ​ണ് പ്ര​തീ​ക്ഷി​ക്കു​ന്ന​ത്. ക​ഴി​ഞ്ഞ മാ​സം 2500 ടൺ വിൽ​പ്പ​ന ന​ട​ത്തി​യി​രു​ന്നു. മാർ​ച്ചോ​ടെ സ്‌​റ്റോ​ക്ക് ലി​ക്വി​ഡേ​റ്റ് ചെ​യ്യാ​നു​ള്ള ന​ട​പ​ടി​കൾ മാ​നേ​ജ്​മന്റ് സ്വീ​ക​രി​ച്ചി​ട്ടു​ണ്ട്. ഈ സാ​മ്പ​ത്തി​ക വർ​ഷം തീ​രു​ന്ന​തോ​ടെ നി​ല​വി​ലു​ള്ള സ്‌​റ്റോ​ക്ക് 5000ൽ താ​ഴെയെ​ത്തും.

ച​വ​റ നി​യോ​ജ​ക​ മ​ണ്ഡ​ല​ത്തി​ലെ ന​വ​കേ​ര​ള സ​ദ​സു​മാ​യി ബ​ന്ധ​പ്പെ​ട്ട് അ​ര​ക്കോ​ടി രു​പ നൽ​കിയെ​ന്ന​തും വ​സ്​തു​ത​യി​ല്ലാ​ത്ത​താ​ണ്. സർ​ക്കാർ പ​രി​പാ​ടി​യാ​യ ന​വ​കേ​ര​ള സ​ദ​സി​നെ​തി​രെ ന​ട​ത്തു​ന്ന കു​പ്ര​ചാ​ര​ണ​ത്തി​ന്റെ ഭാ​ഗ​മാ​യു​ള്ള​താ​ണ് ഇ​തെ​ന്നും മാ​നേ​ജിം​ഗ് ഡ​യ​റ​ക്ടർ പ​റ​ഞ്ഞു.

മി​ന​റൽ സെ​പ്പ​റേ​ഷൻ യൂ​ണി​റ്റ് എ​ക്കാ​ല​ത്തെ​യും മി​ക​ച്ച ലാ​ഭ​ത്തി​ലാ​ണ്. ചൈ​ന​യിൽ നി​ന്നു​ള്ള വി​ലകു​റ​ഞ്ഞ ടൈ​റ്റാ​നി​യം ഡ​യോ​ക്‌​സൈ​ഡ് അ​നി​യ​ന്ത്രി​ത​മാ​യി ഇ​ന്ത്യൻ വി​പ​ണി​യിൽ എ​ത്തി​യ​താ​ണ് നി​ല​വി​ലെ പ്ര​തി​സ​ന്ധി​ക്ക് കാ​ര​ണം. അ​തി​നെ മ​റി​ക​ട​ക്കാൻ ഉത്​പാ​ദ​ന​ ചെ​ല​വ് കു​റ​ക്കു​ന്ന​ത് ഉൾ​പ്പെ​ടെ വി​വി​ധ ന​ട​പ​ടി​കൾ സ്വീ​ക​രി​ച്ചാ​ണ് ക​മ്പ​നി മു​ന്നോ​ട്ടു​പോ​കു​ന്ന​ത്.

ഇ​തി​ന്റെ ഭാ​ഗ​മാ​യി സ്റ്റാൻ​ഡാർ​ഡ് അ​നു​പാ​ത​ത്തിൽ പ്ലാന്റു​കളെ​ല്ലാം പ്ര​വർ​ത്തി​പ്പി​ച്ചു. സെ​പ്​തം​ബർ മു​തൽ എ​ല്ലാ മാ​സ​വും 3000 ടൺ ഉത്​പാ​ദ​ന​മാ​ണ് ന​ട​ത്തു​ന്ന​ത്. വി​വി​ധ ന​വീ​ക​ര​ണ ആ​ധു​നീ​ക​ര​ണ പ​ദ്ധ​തി​ക​ളും ന​ട​ന്നു​വ​രി​ക​യാ​ണ്.

40 വർ​ഷ​ത്തോ​ളം പ​ഴ​ക്ക​മു​ള്ള പ്ലാന്റു​ക​ളാ​ണ് ക​മ്പ​നി​യി​ലു​ള്ള​ത്. അ​വ​യ്​ക്ക് കൃ​ത്യ​സ​മ​യത്ത് മെ​യിന്റ​നൻ​സ് ന​ട​ത്തു​ന്ന​ത് ഒ​ഴി​ച്ചു​കൂ​ടാ​നാ​വ​ത്ത​താ​ണ്. ഈ സാ​ഹ​ച​ര്യ​ത്തിൽ പ്ലാന്റു​കൾ നിറു​ത്തി​യാ​ണ് അ​റ്റ​കു​റ്റ​പ്പ​ണി​കൾ ന​ട​ത്താ​റു​ള്ള​ത്. ക​ഴി​ഞ്ഞ ഫെ​ബ്രു​വ​രി​യിൽ ഉത്​പാ​ദ​നം കു​റ​ഞ്ഞ​ത് ഈ സാ​ഹ​ച​ര്യ​ത്തി​ലാ​ണ്. ഒ​പ്പം അ​നി​യ​ന്ത്രി​ത​മാ​യ ഇ​റ​ക്കു​മ​തി നി​യ​ന്ത്രി​ക്കു​ന്ന​തി​നും ഇ​റ​ക്കു​മ​തി തീ​രു​വ കൂ​ട്ടു​ന്ന​തി​നു​മാ​യി ക​മ്പ​നി​ക്ക് വേ​ണ്ടി തൊ​ഴി​ലാ​ളി യൂ​ണി​യൻ നേ​താ​ക്കൾ കേ​ന്ദ്ര​ ധന​മ​ന്ത്രി നിർ​മ്മ​ലാ സീ​താ​രാ​മ​നെ​യും ഉ​ന്ന​ത ഉ​ദ്യോ​ഗ​സ്ഥ​രെ​യും നേ​രി​ട്ട് ക​ണ്ടി​രു​ന്നു.

കെ.എം.എം.എ​ല്ലി​ന്റെ സു​ഗ​മ​മാ​യ പ്ര​വർ​ത്ത​ന​ത്തി​ന് ഇ​ത്ത​ര​ത്തിൽ നി​ര​വ​ധി പ്ര​വർ​ത്ത​ന​ങ്ങൾ ന​ട​പ്പാ​ക്കി​യാ​ണ് മാ​നേ​ജ്‌​മെന്റും ജീ​വ​ന​ക്കാ​രും മു​ന്നോ​ട്ട് പോ​കു​ന്ന​തെന്നും അദ്ദേഹം പറഞ്ഞു.

ടൈ​റ്റാ​നി​യം സ്‌​പോ​ഞ്ച് പ്ലാന്റിന്

100 കോ​ടി​യു​ടെ ക​രാർ

ടൈ​റ്റാ​നി​യം സ്‌​പോ​ഞ്ച് പ്ലാന്റിൽ പത്ത് വർ​ഷ​ത്തോ​ള​മാ​യി കെ​ട്ടി​ക്കി​ട​ന്ന ഗ്രേ​ഡ് 2, ഗ്രേ​ഡ് 3, സ്‌​പോ​ഞ്ച് മെ​റ്റൽ ഇ​ന്ത്യൻ നേ​വി​ക്ക് നൽ​കാൻ 100 കോ​ടി രൂ​പ​യു​ടെ ക​രാറാ​യ​ത് വ​ഴി ടൈ​റ്റാ​നി​യം സ്‌​പോ​ഞ്ച് പ്ലാന്റും ഇ​ത്ത​വ​ണ ലാ​ഭ​ത്തി​ലാ​ണ്. പ്ലാന്റി​ന്റെ ഉത്പാ​ദ​നം ത്വ​രി​ത​പ്പെ​ടു​ത്തു​ന്ന​തി​ന്റെ ഭാ​ഗ​മാ​യി പു​തി​യ എട്ട് റി​യാ​ക്ട​റു​കൾ​ക്ക് ഓർ​ഡർ നൽ​കി​ക്ക​ഴി​ഞ്ഞു. നാ​ല് ഡോ​മു​കൾ വാ​ങ്ങി​ച്ച് ഉത്പാ​ദ​നം കൂ​ട്ടാ​നു​ള്ള ന​ട​പ​ടി​ക​ളും പു​രോ​ഗ​മി​ക്കു​ക​യാ​ണ്.

ഇ​ല്ലാ​ത്ത ആ​ശ​ങ്ക സൃ​ഷ്ടി​ച്ച് ക​മ്പ​നി​യു​ടെ ന​ല്ല​രീ​തി​യി​ലു​ള്ള പ്ര​വർ​ത്ത​ന​ത്തെ ഇ​ല്ലാ​താ​ക്കാ​നു​ള്ള ഗൂ​ഢ​ശ്ര​മ​മാ​ണ് വ്യാജവാത്തകൾക്ക് പിന്നിൽ.

ജെ.ച​ന്ദ്ര​ബോ​സ്, മാ​നേ​ജിം​ഗ് ഡ​യ​റ​ക്ടർ

കെ.എം.എം.എൽ