കൊല്ലം: നവകേരള സദസിന്റെ കൊല്ലം ജില്ലയിലെ പര്യടനത്തിന് വിഘ്നങ്ങളുണ്ടാകാതിരിക്കാൻ ചക്കുവള്ളി പരബ്രഹ്മ ക്ഷേത്രത്തിൽ മുഖ്യമന്ത്രി പിണറായി വിജയന്റെ പേരിൽ സി.പി.എം പ്രവർത്തകരുടെ വക ഗണപതി ഹോമം. പേര് വെളിപ്പെടുത്താത്ത നാലുപേർ ചേർന്നാണ് 60 രൂപ ഫീസൊടുക്കി കഴിഞ്ഞ ദിവസം രാവിലെ ഗണപതി ഹോമം നടത്തിയത്. ഇന്നലെ കുന്നത്തൂർ മണ്ഡലത്തിലെ സദസ് ചക്കുവള്ളിയിലായിരുന്നു. ആദ്യം ചക്കുവള്ളി പരബ്രഹ്മ ക്ഷേത്ര മൈതാനിയിലാണ് സദസിന്റെ വേദി നിശ്ചയിച്ചിരുന്നതെങ്കിലും ഹൈക്കോടതി വിധിയെ തുടർന്ന് ക്ഷേത്രത്തിന് സമീപത്തെ കശുഅണ്ടി ഫാക്ടറി ഗ്രൗണ്ടിലേക്ക് മാറ്റിയിരുന്നു.