പന്മന: ചവറ, പന്മന, കൊട്ടാരത്തിൻ കടവ്, ഇടപ്പള്ളിക്കോട്ട, തേവലക്കര, തെക്കുംഭാഗം, നീണ്ടകര മേഖലകളി​ൽ തെരുവുനായ ശല്യം രൂക്ഷമായി​.

കഴിഞ്ഞ ദിവസം കൊട്ടാരത്തിൻ കടവിൽ, സ്കൂട്ടറി​ൽ സഞ്ചരി​ക്കുകയായി​രുന്ന ദമ്പതികളായ തെരുവ്നായ ആക്രമി​ച്ചി​രുന്നു. ഇരുവരും പരി​ക്കേറ്റ് ചികിത്സയിലാണ്. കെ.എം.എം.എൽ കമ്പനിയുടെ അധീനതയിലുള്ള സ്ഥലങ്ങളിലും പാതയോരങ്ങളിലും അറവു മാലി​ന്യങ്ങൾ ഉൾപ്പെടെയുള്ളവ തള്ളുന്നതാണ് നായ്ക്കൾ കൂട്ടത്തോടെ തമ്പടിക്കാൻ കാരണമാകുന്നത്. പ്രദേശങ്ങളിൽ നിരവധിപേർ നായ്ക്കളുടെ അക്രമത്തിന് ഇരയായിട്ടും പഞ്ചായത്തുകൾ ഫലപ്രദമായ നടപടി സ്വീകരിക്കുന്നി​ല്ല. നായ്ക്കളുടെ കടിയേൽക്കുന്നവർക്ക് സർക്കാർ ആശുപത്രി​കളി​ൽ വാക്സിൻ ലഭ്യമല്ലാത്തതുമൂലം കൂടുതൽ വില നൽകി സ്വകാര്യ ആശുപത്രികളെ സമീപിക്കേണ്ട അവസ്ഥയാണ്.