കൊല്ലം: മുൻവിരോധത്തിൽ യുവാവിനെ ആക്രമിച്ച് കൊലപ്പെടുത്താൻ ശ്രമിച്ച പ്രതി പിടിയിൽ. ശക്തികുളങ്ങര കന്നിമേൽച്ചേരി പണ്ടാരഴികത്ത് പടിഞ്ഞാറ്റതിൽ മുജീബാണ് (31) ശക്തികുളങ്ങര പൊലീസിന്റെ പിടിയിലായത്.

കഴിഞ്ഞ വെള്ളിയാഴ്ച വൈകിട്ട് മുജീബ് അടക്കമുള്ള പ്രതികൾ മൂലങ്കര ജനതാപ്രസിന് സമീപം വച്ച് പരാതിക്കാരനായ ജോബിനെ ആക്രമിക്കുകയായിരുന്നു. ജോബിന്റെ ഭാര്യവീട്ടിലേക്ക് പ്രതികൾ കല്ലെറിഞ്ഞത് ചോദ്യം ചെയ്യാൻ എത്തിയതാണെന്ന് കരുതിയാണ് ആക്രമിച്ചത്. ശക്തികുളങ്ങര എസ്.എച്ച്.ഒ അനൂപിന്റെ നേതൃത്വത്തിൽ എസ്.ഐമാരായ ആശ, ഹുസൈൻ, എസ്.സി.പി.ഒമാരായ അബുതാഹിർ, സിദിഷ്, ശ്രീകാന്ത് എന്നിവരടങ്ങിയ പൊലീസ് സംഘമാണ് പ്രതിയെ അറസ്റ്റ് ചെയ്തത്.