തൃശൂർ: എച്ച്.ഐ.വി അണുബാധിതരോട് ഐക്യദാർഢ്യം പ്രഖ്യാപിച്ച് എയ്ഡ്‌സ് ദിനാചരണത്തിന്റെ മുന്നോടിയായി വടക്കുന്നാഥ ക്ഷേത്രം മൈതാനിയിലെ തെക്കേഗോപുരനടയിൽ റെഡ് റിബൺ ആകൃതിയിൽ ദീപം തെളിച്ചു. ജില്ലാ പഞ്ചായത്ത് പ്രസിഡന്റ് പി.കെ.ഡേവിസ് ഉദ്ഘാടനം നിർവഹിച്ചു. സംസ്ഥാന ആരോഗ്യവകുപ്പ് ഡയറക്ടർ ഡോ.കെ.ജെ.റീന മുഖ്യാതിഥിയായി.
ജില്ലാ മെഡിക്കൽ ഓഫീസർ ഡോ.ടി.പി.ശ്രീദേവി അദ്ധ്യക്ഷയായി. ജില്ലാ എയ്ഡ്‌സ് കൺട്രോൾ ഓഫീസർ ഡോ.രേഖ ഗോപിനാഥ്, ജില്ലാ എഡ്യുക്കേഷൻ ആൻഡ് മീഡിയ ഓഫീസർ പി.എ.സന്തോഷ് കുമാർ, പി.കെ.രാജു എന്നിവർ സന്നിഹിതരായി. ജില്ലാ മെഡിക്കൽ ഓഫീസ്, ആരോഗ്യ കേരളം ഓഫീസ്, ജില്ലാ ടി.ബി സെന്റർ, എന്നിവിടങ്ങളിലെ ഉദ്യോഗസ്ഥരും എച്ച്.ഐ.വി അണുബാധിതരുടെ ക്ഷേമത്തിനായും ബോധവത്കരണത്തിനും സേവനത്തിനുമായും പ്രവർത്തിക്കുന്ന വിവിധ സംഘടനാ പ്രതിനിധികളും പങ്കെടുത്തു.