വെള്ളാങ്ങല്ലൂർ: കോണത്തുകുന്ന് ഗവ. യു.പി. സ്‌കൂളിലെ പെൺകുട്ടികൾക്ക് ഫുട്ബാൾ പരിശീലനം തുടങ്ങി. പട്ടേപ്പാടം ഫുട്ബാൾ അക്കാഡമിയുമായി സഹകരിച്ചാണ് പെൺകുട്ടികൾക്കായുള്ള ദീർഘകാല ഫുട്ബാൾ പരിശീലനം തുടങ്ങിയത്. പരിശീലന പരിപാടി ജില്ലാ പഞ്ചായത്ത് പ്രസിഡന്റ് പി.കെ. ഡേവിസ് മാസ്റ്റർ ഉദ്ഘാടനം ചെയ്തു. വെള്ളാങ്ങല്ലൂർ പഞ്ചായത്ത് പ്രസിഡന്റ് എം.എം. മുകേഷ് അദ്ധ്യക്ഷനായി. എസ്.എസ്.കെ തൃശൂർ ഡി.പി.ഒ: എൻ.കെ. രമേശ്, വെള്ളാങ്ങല്ലൂർ ബി.ആർ.സി.ബി.പി.സി: ഗോഡ്വിൻ റോഡ്രിഗ്‌സ്, വെള്ളാങ്ങല്ലൂർ പഞ്ചായത്ത് ആരോഗ്യ വിദ്യാഭ്യാസ സ്ഥിരംസമിതി അദ്ധ്യക്ഷ സുജന ബാബു, പഞ്ചായത്ത് മെമ്പർ കെ. കൃഷ്ണകുമാർ, പ്രധാനാദ്ധ്യാപിക പി.എസ്. ഷക്കീന, പി.ടി.എ പ്രസിഡന്റ് എ.വി. പ്രകാശ് തുടങ്ങിയവർ പ്രസംഗിച്ചു. പട്ടേപ്പാടം ഫുട്ബാൾ അക്കാഡമി മുഖ്യ എം.എം. അജീസ് ആണ് വിദ്യാർത്ഥികൾക്ക് പരിശീലനം നൽകുന്നത്.