തൃശൂർ: തൃശൂർ നഗരത്തിൽ കച്ചവടസ്ഥാപനങ്ങളുള്ള ടവറിലെ കാർ പാർക്കിംഗ് ഏരിയയിൽ നിന്നും ഉടുമ്പിനെ പിടികൂടി. ആമ്പക്കാടൻ ജംഗ്ഷനിലെ ടവറിൽ നിന്നാണ് ഇന്നലെ ഉച്ചയോടെയാണ് ഒന്നരയടിയോളം വലുപ്പമുള്ള ഉടുമ്പിനെ കണ്ടെത്തിയത്. പാർക്കിംഗ് ഏരിയയിൽ നിന്നും ലിഫ്‌റ്റിലേക്ക് കയറാൻ ശ്രമിക്കവേയാണ് സെക്യൂരിറ്റിയും താമസക്കാരും കണ്ടെത്തിയത്. ആൾക്കൂട്ടം കണ്ട് ഉടുമ്പ് കോണിപ്പടിക്ക് താഴെ കൂട്ടിയിട്ട സാധനങ്ങളുടെ ഇടയിലേക്ക് ഓടിക്കയറുകയായിരുന്നു. തുടർന്ന് പറവട്ടാനിയിലെ ഫോറസ്റ്റ് ജീവനക്കാരൻ ജോജു മുക്കാട്ടുക്കരയെത്തിയാണ് ഉടുമ്പിനെ പിടികൂടിയത്. നഗരത്തിൽ മരപ്പട്ടിയും പാമ്പും കീരിയും അടക്കമുള്ളവയെ കാണാറുണ്ടെങ്കിലും ഉടുമ്പിനെ പൊതുവെ കാണാറില്ലെന്ന് അദ്ദേഹം പറഞ്ഞു. ഉടുമ്പിനെ പിന്നീട് വനത്തിൽ തുറന്നു വിട്ടു