കൊടുങ്ങല്ലൂർ: നഗരസഭയുടെ ആഭിമുഖ്യത്തിൽ ശ്രീ കുരുബ ഭഗവതി ക്ഷേത്രത്തിനു സമീപം ശബരിമല തീർത്ഥാടകർക്കായി വിശ്രമകേന്ദ്രം ആരംഭിച്ചു. അയ്യപ്പ ഭക്തർക്ക് വിശ്രമിക്കുന്നതിനും കുടിവെള്ളം, ഭക്ഷണം, ചികിത്സാ സൗകര്യങ്ങൾ എന്നിവ വിശ്രമകേന്ദ്രത്തിൽ ഏർപ്പെടുത്തിയിട്ടുണ്ട്. വിശ്രമ കേന്ദ്രത്തിന്റെ ഉദ്ഘാടനം നഗരസഭാ ചെയർപേഴ്‌സൺ ടി.കെ. ഗീത നിർവഹിച്ചു. വൈസ് ചെയർമാൻ വി.എസ്. ദിനൽ അദ്ധ്യക്ഷനായി. സ്റ്റാൻഡിംഗ് കമ്മിറ്റി ചെയർപേഴ്‌സൺമാരായ കെ.എസ്. കൈസാബ്, ലത ഉണ്ണിക്കൃഷ്ണൻ, എൽസി പോൾ, മുൻ നഗരസഭാ ചെയർമാൻ കെ.ആർ. ജൈത്രൻ, കൗൺസിലർമാരായ ഇ.ജെ. ഹിമേഷ്, ചന്ദ്രൻ കളരിക്കൽ, ഗോപാലകൃഷ്ണ പണിക്കർ എന്നിവർ പ്രസംഗിച്ചു.