തൃശൂർ: തൃശൂർ ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തിൽ സ്വയം തൊഴിൽ പ്രദർശന വിപണന മേള നടത്തുന്നു. തൃശൂർ ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ അങ്കണത്തിലാണ് 18 മുതൽ 23 വരെ മേള സംഘടിപ്പിക്കുന്നത്. 'നിറവ് 2023' എന്ന പേരിൽ നടത്തുന്ന മേളയുടെ ഉദ്ഘാടനം തൃശൂർ ജില്ലാ എംപ്ലോയ്‌മെന്റ് എക്‌സ്‌ചേഞ്ചിൽ ജില്ലാ പഞ്ചായത്ത് പ്രസിഡന്റ് പി.കെ. ഡേവിസ് മാസ്റ്റർ നിർവഹിക്കും. കെസ്രു, ജോബ് ക്ലബ്, ശരണ്യ, കൈവല്യ, നവജീവൻ എന്നീ സ്വയം തൊഴിൽ പദ്ധതികളിലെ സംരംഭകർക്ക് തങ്ങളുടെ ഉത്പന്നങ്ങൾ പ്രദർശിപ്പിക്കാൻ അവസരം ലഭിക്കും. ഉത്പന്നങ്ങളുടെ വിൽപ്പനയിലൂടെ വരുമാനം ലഭിക്കാനും മേള വഴിയൊരുക്കും.