തൃശൂർ : കൊച്ചിൻ ദേവസ്വം ബോർഡിന്റെ കീഴിൽ ആരംഭിക്കുന്ന ശ്രീ ധന്വന്തരി സത്യസായി സൗജന്യ ഡയാലിസിസ് കേന്ദ്രത്തിന്റെ ആർ.ഒ.(റിവേഴ്‌സ് ഓസ്‌മോസ്) ആൻഡ് എസ്.ടി.പി പ്ലാന്റിന്റെ സ്വിച്ച്ഓൺ കർമം പ്രസിഡന്റ് ഡോ.എം.കെ.സുദർശൻ നിർവഹിച്ചു. എറണാകുളത്തുള്ള മെഡിടെക് കോർപ്പറേഷനാണ് പ്ലാന്റ് നിർമ്മിച്ചത്.
കൊച്ചിൻ ദേവസ്വം ബോർഡിന്റെ തൃശൂരിലുള്ള ദേവസ്വം ക്വാർട്ടേഴ്‌സിലാണ് ഡയാലിസിസ് കേന്ദ്രം സ്ഥാപിച്ചത്. ബോർഡ് അംഗങ്ങളായ എം.ബി.മുരളീധരൻ, പ്രേംരാജ് ചൂണ്ടലാത്ത്, ദേവസ്വം കമ്മിഷണർ അനിൽ കുമാർ.സി., ദേവസ്വം സെക്രട്ടറി പി.ബിന്ദു, ഫിനാൻസ് ആൻഡ് അക്കൗണ്ട്‌സ് ഓഫീസർ പി.വിമല, ഡെപ്യൂട്ടി കമ്മിഷണർ കെ.സുനിൽകുമാർ, എം.മനോജ്കുമാർ, കെ.കെ.മനോജ്, എം.കൃഷ്ണൻ, കെ.ബിജുകുമാർ, പി.എ.ശിവദാസൻ തുടങ്ങിയവർ പങ്കെടുത്തു.