കൊടുങ്ങല്ലൂർ: പുത്തൻചിറയിലെ കട്ടിയാംപാറ പോക്‌സോ കേസ് പുനരന്വേഷണം നടത്തണമെന്ന് കോൺഗ്രസ് കൊടുങ്ങല്ലൂർ ബ്ലോക്ക് കമ്മിറ്റി ആവശ്യപ്പെട്ടു. പ്രോസിക്യൂഷനും പൊലീസും ഒത്തുകളിച്ച് കേസ് ഒതുക്കി തീർത്തതാണെന്ന കുടുംബത്തിന്റെ ആരോപണം ഗൗരവമേറിയതാണ്. സി.പി.എം പ്രവർത്തകനാണ് ഈ കേസിൽ ഉൾപ്പെട്ടിട്ടുള്ളത്. ഈ കുടുംബത്തിന് നീതി കിട്ടണമെന്നും കോൺഗ്രസ് ആവശ്യപ്പെട്ടു. പ്രസിഡന്റ് ഇ.എസ്. സാബു അദ്ധ്യക്ഷനായി. പുത്തൻചിറ മണ്ഡലം കോൺഗ്രസ് പ്രസിഡന്റ് എം.പി. സോണി, ആന്റണി പയ്യപ്പിള്ളി, കെ.എൻ. സജീവൻ, ടി.എസ്. ഷാജി, വി.എ. നദീർ, വി.എസ്. അരുൺരാജ്, ജോപ്പി മങ്കടിയാൻ എന്നിവർ പ്രസംഗിച്ചു.