തൃശൂർ: കൊല്ലത്ത് ജനുവരി 4 മുതൽ 8 വരെ നടക്കുന്ന സംസ്ഥാന സ്‌കൂൾ കലോത്സവത്തിന്റെ ഭാഗമായി ഹൈസ്‌കൂൾ, ഹയർ സെക്കൻഡറി വിഭാഗം വിദ്യാർത്ഥികൾക്ക് കേരള മീഡിയ അക്കാഡമി ചിത്രരചനാമത്സരം സംഘടിപ്പിക്കുന്നു. കൊല്ലം പ്രസ് ക്ലബ്, കലോത്സവ പബ്ലിസിറ്റി കമ്മിറ്റി എന്നിവയുടെ സഹകരണത്തോടെയാണ് 27ന് രാവിലെ 9 മുതൽ 12 വരെ കൊല്ലം വിമലഹൃദയ സ്‌കൂളിൽ മത്സരം. ഇരുവിഭാഗങ്ങളിലുമായി നടക്കുന്ന മത്സരത്തിലെ വിജയികൾക്ക് യഥാക്രമം 5000, 3000, 2000 രൂപയും സർട്ടിഫിക്കറ്റും നൽകും. കലോത്സവം മുൻ കലാതിലകം ഡോ. ദ്രൗപതി ചിത്ര രചനാ മത്സരം ഉദ്ഘാടനം ചെയ്യും. ഡ്രോയിംഗ് പേപ്പർ സംഘാടകർ നൽകും. വാട്ടർ കളറും ബ്രഷും മറ്റുസാമഗ്രികളും കൊണ്ടുവരണം. രജിസ്‌ട്രേഷൻ രാവിലെ 9ന്. ഫോൺ: 7907348963, 8921654090.